Азаронак расказаў, як павінен быў ехаць у адной машыне з Дар'яй Дугінай, але не зраслося
Лукашысцкага прапагандыста Рыгора Азаронка запрасілі ў расійскую Z-праграму «Бункер на Лубянцы», у эфіры якой ён расказаў пра тое, што нібыта ў жніўні 2022 года павінен быў прыехаць на падмаскоўны фестываль «Традыцыя» і ехаць у адной машыне з загінулай у выніку выбуху дачкой Аляксандра Дугіна Дар'яй.
Азаронак успамінае, што пазнаёміўся з Дар'яй Дугінай падчас адной са сваіх шматлікіх паездак на акупаваныя Расіяй украінскія тэрыторыі.
«Я пабачыў яе, яна суправаджала замежных журналістаў. Яна суправаджала нейкіх французаў, італьянцаў, туркаў, і гаварыла на ўсіх гэтых мовах… Я падумаў — якая прыгожая францужанка, як яе сюды занесла. А пасля аказалася — руская дзяўчынка».
Пасля ён з Дугінай разгаварыўся і пазнаёміўся, прытым аказалася, што іхнія бацькі былі знаёмыя з 1990‑х гадоў, бо «Дугін і Лімонаў прыязджалі ў Беларусь арганізоўваць вуліцу супраць нацыяналістаў», а бацька Рыгора, Юрый Азаронак, як вядома, тады таксама быў адным з вядучых лукашэнкаўскіх прапагандыстаў, які стаяў на выразна прарасійскіх пазіцыях.
«Мы так сышліся, некалькі месяцаў камунікавалі, і яна мяне клікала на фестываль «Традыцыя» ў 2022 годзе, які адбыўся 18‑19 жніўня, вельмі добра гэта памятаю. А я адправіўся ў Энергадар, таму што там білі па Запарожскай АЭС. […] Даша мяне клікала, зразумела, у якой я машыне ездзіў бы. Такая трагічная гісторыя, і да гэтай пары яна мяне не адпускае», — заявіў Азаронак.
Дар'я Дугіна (Платонава) — палітычная аглядальніца, дачка расійскага філосафа Аляксандра Дугіна, аднаго з галоўных ідэолагаў «рускага свету», «еўразійства» і расійскага імперыялізму, які актыўна выступае за вайну.
Дугіна загінула 20 жніўня 2022 года ў выніку падрыву аўтамабіля ў Падмаскоўі, якім яна кіравала. Невядома, ці была мішэнню яна сама або ўсё ж яе бацька, які не паехаў з ёй, у апошні момант чамусьці перасеўшы ў іншую машыну.
У 2023 годзе быў апублікаваны дзённік Дугінай «Топі і высі майго сэрца. Дзённік», у якім ёсць згадкі і пра Рыгора Азаронка.
«І я пацалую табе руку, калі будуць курчыцца Фукуяма, Леві і Кісінджэр». Як Азаронак фліртаваў з Дугінай
Забойствы Дар'і Дугінай і Уладлена Татарскага раскрылі пры дапамозе штучнага інтэлекту — СК Расіі
Ва ўцечках ЗША раскрываецца інфармацыя аб меркаваных арганізатарах забойства Дар'і Дугінай
Азаронак склаў беларускі «спіс Дугінай»
«Дугін меў ехаць на гэтай машыне, але сеў у іншую». Узарвалі дачку ідэолага расійскага імперыялізму Дугіна
Захад, Украіна, Крэмль, Лукашэнка? Хто можа стаяць за забойствам Дар'і Дугінай?
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары