Мінчанка прывезла ў чамадане з Занзібара гекона і шукае яму новы дом
Беларуска вярнулася з адпачынку на Занзібары і падчас распакоўкі рэчаў выявіла ў сваім чамадане нечаканы сувенір — маленькага гекона.
Дзяўчына апублікавала фота малога турыста ў Threads і падзялілася гісторыяй: «Зляталі на Занзібар. Вярнуліся дадому. Разбіраем чамадан — а адтуль выходзіць ГЕКОН. То-бок мы куплялі квіткі, праходзілі пашпартны кантроль, ляцелі некалькі гадзін… а гэты таварыш проста абраў тарыф «багаж». Цяпер тэрмінова шукаем, куды ўладкаваць нашага нелегальнага турыста, бо беларускі клімат відавочна не ўваходзіў у яго планы».
Паводле слоў аўтаркі, у гатэлі такія яшчаркі спрытна бегалі па сценах і лавілі камароў.
У каментарыях карыстальнікі пачалі актыўна прапаноўваць варыянты, што рабіць з незвычайным госцем, і жартаваць з яго прыгод:
«Пралічыўся, але дзе. Думкі гекона».
«Без ведання мовы яму будзе складана».
Некаторыя прапаноўвалі пакінуць гекона проста ў кватэры:
«У нас яны проста дома жывуць, самі кормяцца, у гэтым годзе тры штукі. Можна проста выпусціць, хай тусуецца».
Улады Гродна паведамілі пра выхад з ладу ліўнёўкі пад ударам стыхіі1
Каментары
ПС. Турыстам, што наведалі Занзібар, раю прайсьці медычную праверку на малярыю, каб не было сюрпрызаў, бо гэтае во стварэньне ня факт, што ўсіх камароў там адлавіла, у гатэлі тым... Калі хвароба ўжо заявіць аб сабе сама, на лекаваньне можа й жыцьця не хапіць. Асабліва, калі гэта варыянт «А».