Генеральны штаб Узброеных сіл Украіны паведаміў, што 27 ліпеня ўкраінскія вайскоўцы нанеслі ўдар па камбінаце «Прыярытэт» у пасёлку Барок Удмурцкай Рэспублікі ў Расіі. Паводле ўкраінскага боку, гэты аб'ект знаходзіцца больш чым за 1300 кіламетраў ад дзяржаўнай мяжы Украіны.
Як сцвярджаецца ў паведамленні Генштаба УСУ, пасля атакі на тэрыторыі прадпрыемства ўзнік пажар.
Украінскія вайскоўцы адзначаюць, што камбінат «Прыярытэт» уваходзіць у сістэму дзяржаўнага матэрыяльнага рэзерву Расіі і лічыцца стратэгічным аб'ектам закрытага тыпу, які ахоўваецца ваенізаванымі падраздзяленнямі. Па інфармацыі Генштаба, прадпрыемства выконвае функцыі буйной нафтабазы дзяржаўнага значэння, дзе доўгатэрмінова захоўваюцца запасы паліва, нафтапрадуктаў і змазачных матэрыялаў на выпадак надзвычайных сітуацый або ваенных патрэб.
Пакуль што расійскія ўлады афіцыйна не паведамлялі пра атаку на гэты аб'ект і не каментавалі заяву ўкраінскага боку.
Акрамя таго, Генеральны штаб Украіны паведаміў, што 27 ліпеня і ў ноч на 28 ліпеня былі нанесеныя ўдары па складзе матэрыяльна-тэхнічных сродкаў і складзе паліўна-змазачных матэрыялаў каля населенага пункта Ічкі ў акупаваным Крыме, а таксама па складзе расійскіх беспілотнікаў у раёне Чырвонапапоўкі ў Луганскай вобласці.
УСУ ўдарылі па экспартным тэрмінале ў Растове-на-Доне
Ва Украіне анансавалі прымяненне ўласных балістычных ракет ужо гэтай восенню
19 чалавек пацярпелі пры ўдары беспілотніка па аўтобусе ў Белгарадскай вобласці
Статкевіч: У 1917 годзе прынцып «Война до победного канца» ўжо прывёў Расію да нацыянальнай катастрофы
Цяпер чытаюць
Улады Гродна паведамілі пра выхад з ладу ліўнёўкі пад ударам стыхіі1
Каментары
Слава ЗСУ 👍💪✊