У ноч на 27 ліпеня, паводле паведамлення ўкраінскага боку, падраздзяленні Сіл абароны Украіны нанеслі серыю ўдараў па аб'ектах, якія выкарыстоўваюцца Расіяй для вядзення баявых дзеянняў і ваеннай лагістыкі.
Паведамляецца, што ў Растове-на-Доне паразілі экспартны тэрмінал. Паводле інфармацыі ўкраінскага боку, пасля траплення на аб'екце ўзнік пажар.
Таксама, як сцвярджаецца, быў выведзены са строю наземны рэтранслятар, прызначаны для кіравання ўдарнымі беспілотнікамі тыпу «Герань» і «Гербера», у раёне Жалезнага Порта Херсонскай вобласці. У паведамленні адзначаецца, што гэты рэтранслятар выкарыстоўваўся для павелічэння далёкасці дзеяння, устойлівасці сувязі і эфектыўнасці кіравання беспілотнымі лятальнымі апаратамі, якія прымяняюцца для ўдараў па тэрыторыі Украіны.
Акрамя таго, паводле інфармацыі ўкраінскага Генштаба, быў нанесены ўдар па аўтамабільным мосце праз Генічэскі праліў у Херсонскай вобласці. Украінскія вайскоўцы сцвярджаюць, што гэты мост выкарыстоўваецца расійскімі войскамі для ваеннай лагістыкі на акупаванай частцы поўдня Украіны.
Таксама паведамляецца пра паражэнне рамонтнага падраздзялення расійскіх войскаў у Кадзіеўцы на Луганшчыне, склада паліўна-змазачных матэрыялаў у пасёлку Сямейкіна Луганскай вобласці і склада матэрыяльна-тэхнічных сродкаў у Перавальным у акупаваным Крыме.
Паводле паведамленняў расійскага боку, у Растове-на-Доне ўкраінскі беспілотнік уначы трапіў у шматпавярховы дом. У выніку атакі ў горадзе загінулі пяць чалавек, яшчэ восем чалавек атрымалі раненні.
Кіраўнік Растоўскай вобласці Юрый Слюсар спачатку паведаміў пра загінулых жонку і мужа, а трохі пазней пра тое, што былі знойдзены загінулымі яшчэ тры чалавекі — двое дарослых і адно дзіця. Іх выявілі ратавальнікі пры разборы завалаў шматкватэрнага дома, які пацярпеў у выніку трапляння беспілотніка.
Латвія «па тэхнічных прычынах» закрыла мяжу з Беларуссю12
Каментары