Пад Мінскам, у Бараўлянах, у чэрвені прадалі катэдж за 630 тысяч даляраў. Ён стаў самым дарагім домам у Беларусі, прададзеным у мінулым месяцы, паведамляе Realt.
Гаворка ідзе пра блочны катэдж плошчай 215 кв. м. Яго пабудавалі пяць гадоў таму. Асабняк размешчаны ў элітнай частцы пасёлка, якая мяжуе з лесам.
Пакупнікі заплацілі за яго 630 тысяч даляраў. Кошт аднаго квадратнага метра склаў 2930 даляраў.
Пры гэтым гэта не самы дарагі дом у Бараўлянах. тут выстаўлена на продаж каля 40 катэджаў. Сярод іх ёсць і тыя, што каштуюць ад 1 да 1,5 млн.
У лютым у гэтым пасёлку таксама набылі самы дарагі дом у Беларусі. Тады за яго заплацілі 620 тысяч даляраў.
У маі самы дарагі дом Мінска быў прададзены ў «Алімпік Парку» ў Лебядзіным. Ён абышоўся пакупніку ў 1,8 млн долараў. А самую дарагую кватэру ў Беларусі ў маі набылі за 690 тысяч даляраў. Яна знаходзіцца ў жылым комплексе «Поры года».
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў3
Каментары