Невядомая колькасць публічных чатаў Claude трапіла ў вынікі пошуку Google. Сярод праіндэксаваных старонак аказаліся медычныя дакументы, унутраныя матэрыялы кампаній, крыптаключы, а таксама імёны і тэлефоны дзяцей.
Праблему выявілі карыстальнікі Reddit. Яны высветлілі, што з дапамогай пошукавага запыту па адрасе claude.ai/share можна знайсці доўгі спіс апублікаваных размоваў, піша Devby.io.
Уцечка закранула не звычайныя прыватныя чаты, а размовы, для якіх карыстальнікі стварылі публічную спасылку. Інтэрфейс Claude папярэджвае, што такі чат зможа адкрыць «любы, у каго ёсць спасылка», аднак многія маглі не разумець, што старонку таксама здольны праіндэксаваць пошукавікі.
Anthropic заявіла, што не перадае пошукавым сістэмам каталогі або карты апублікаваных чатаў. Паводле версіі кампаніі, спасылкі маглі трапіць у індэкс толькі пасля таго, як карыстальнікі размясцілі іх на даступных пошукавікам сайтах, форумах або ў сацсетках.
Адпраўленыя асабіста спасылкі, як сцвярджае Anthropic, у пошук не трапляюць.
Пры гэтым журналісты выявілі сярод вынікаў медычнай справаздачы рэальнага пацыента, вынікі клінічных выпрабаванняў з імёнамі ўдзельнікаў, дакументы з персанальнымі звесткамі школьнікаў, матэрыялы для ўнутранага выкарыстання і водгукі пра супрацоўнікаў. У адкрытым доступе таксама знаходзіліся праграмны код і працоўныя нататкі.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра20
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»99
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»9
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары
Не, прыватнасць - не перажытак мінулага. Але калі ваш пароль "password", не трэба здзіўляцца, калі вас узламаюць.