На беларускім Палессі фармуецца папуляцыя рэдкіх матылькоў-паруснікаў
Беларускія навукоўцы заўважылі прыкметы фармавання на поўдні краіны стабільнай папуляцыі рэдкага цеплалюбівага матылька — падалірыя. Даследчыкі звязваюць яго распаўсюджванне ў Беларусі з сучасным пацяпленнем клімату.
Сёлета заалагічная калекцыя і генетычны банк дзікай фаўны Нацыянальнай акадэміі навук Беларусі папоўніліся некалькімі экзэмплярамі падалірыяў.
Асаблівасць гэтых знаходак у тым, што матылькі прайшлі ў Беларусі поўны цыкл развіцця. Раней падалірыі тут сустракаліся вельмі рэдка. На працягу XIX і XX стагоддзяў на тэрыторыі краіны зафіксавалі не больш за дзесяць асобін летняга пакалення.
Аднак толькі сёлета ў Гомельскай вобласці навукоўцы выявілі больш падалірыяў, чым было адзначана за ўсе папярэднія два стагоддзі. Акрамя дарослых матылькоў, даследчыкі знайшлі асобін вясновага пакалення, кладкі яек і сляды жыццядзейнасці вусеняў.
Усё гэта сведчыць пра тое, што на поўдні Беларусі, у тым ліку на Палессі, падалірыі ўжо могуць не проста часова з'яўляцца, а размнажацца і фармаваць устойлівую папуляцыю.
Падалірыі належаць да сямейства паруснікаў. Гэта буйныя прыгожыя матылькі з размахам крылаў да 72 міліметраў. Іх крылы маюць светла-жоўты асноўны колер, чорны ўзор у выглядзе клінаватых палос і блакітную аблямоўку.
Сваю назву від атрымаў у гонар Падалірыя — героя старажытнагрэцкай міфалогіі, знакамітага доктара, сына Асклепія і Эпіёны.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў44
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары
Вучыся, Дызайнер...