Сяргей Анюхоўскі быў членам Савета Рэспублікі. А яшчэ раней там жа засядаў і яго бацька.
Былога генеральнага дырэктара «Камунаркі» Сяргея Анюхоўскага прызналі вінаватым у перавышэнні ўлады і службовых паўнамоцтваў (ч. 3 арт. 426 КК), а таксама ў атрыманні хабару ў буйным памеры (ч. 2 арт. 430 КК). Вярхоўны суд прысудзіў 7 гадоў калоніі і 45 тысяч рублёў штрафу.
Прэтэнзіі да Анюхоўскага ў тым, што ён загадаў падначаленым унесці ў бізнэс-план праекта па перапрацоўцы какава-бабоў загадзя ілжывыя звесткі. Маўляў, ведаў, што праект будзе правальны, але, каб атрымаць грошы з інавацыйнага фонду Мінгарвыканкама, перадаў падробленыя дакументы.
А пастаўшчык абсталявання для перапрацоўкі какава-бабоў за гэта даў адкат Анюхоўскаму і яго жонцы.
Пра затрыманне дырэктара стала вядома вясной 2024 года. Яго нібыта тады змяшчалі ў следчы ізалятар, але напярэдадні Усебеларускага народнага сходу, дэлегатам якога ён быў прызначаны, вызвалілі.
На «Камунарцы» былі ўпэўненыя, што Анюхоўскага ўратаваў статус дэлегата УНС. Таксама ён быў у 2019‑2024 гадах членам Савета Рэспублікі.
Яго бацька Анатоль Анюхоўскі ўзначальваў Талачынскі кансервавы завод і таксама быў членам Савета Рэспублікі.
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары