Мерц заявіў пра завяршэнне «эры безумоўнага трансатлантычнага сяброўства»
Федэральны канцлер Германіі Фрыдрых Мерц 17 верасня заявіў, што эпоха «безумоўнага трансатлантычнага сяброўства» паміж ЗША і Еўропай, якая фармавалася пасля Другой сусветнай вайны, верагодна, скончылася на аглядную будучыню, піша Bloomberg.
Выступаючы перад членамі сваёй партыі ў Берліне, Мерц адзначыў, што ў Злучаных Штатах змяняюцца палітычныя погляды і стаўленне да трансатлантычнага альянсу. Паводле яго слоў, раней еўрапейскія краіны не маглі прадбачыць такіх перамен
«Гэта эра безумоўнага трансатлантычнага сяброўства, верагодна, скончылася ў агляднай будучыні», — паведаміў Фрыдрых Мерц.
Заява нямецкага канцлера прагучала на фоне чарговай напружанасці ў адносінах паміж Вашынгтонам і Бруселем. Прэзідэнт ЗША Дональд Трамп адрэагаваў на прапанову зрабіць Канаду асацыяваным членам Еўрасаюза пагрозамі ўвесці новыя мыты супраць еўрапейскіх краін, калі палічыць такое супрацоўніцтва шкодным для Амерыкі. Ён таксама дапусціў спыненне гандлю з Еўропай па асобных напрамках.
Пазней Трамп заявіў, што ЗША нібыта «цягнуць на сабе» еўрапейскія краіны, з якімі маюць гандлёвы дэфіцыт на 200 мільярдаў даляраў. Ён сцвярджаў, што Вашынгтон можа проста адмовіцца ад гандлю з Еўропай.
Пагрозы ў бок Еўрасаюза Трамп выказваў і раней. Сярод іх былі планы ўвесці 50‑працэнтныя мыты на еўрапейскія тавары, абмежаваць доступ ЕС да амерыканскага рынку ўзбраенняў і скараціць колькасць амерыканскіх вайскоўцаў у Еўропе.
Выданне Bloomberg адзначае, што словы Мерца нагадваюць заяву былой канцлеркі Германіі Ангелы Меркель у маі 2017 года. Тады, падчас першага прэзідэнцкага тэрміну Трампа, яна сказала, што надзейныя стасункі, створаныя пасля Другой сусветнай вайны, «у пэўнай ступені страчаныя».
Мерц можа страціць пасаду канцлера Германіі ўжо ў канцы тыдня
Мерц заявіў пра вырашальныя тыдні і месяцы ў супрацьстаянні з Расіяй
Мерц адмяніў запланаваную размову з Трампам пасля падтрымкі апошнім «Альтэрнатывы для Германіі»
Мерц «глыбока шакаваны» перамогай «Альтэрнатывы для Германіі» ў Саксоніі-Анхальт
Трамп прыгразіў спыніць гандаль з ЕС у выпадку далучэння да блока Канады
Прэм'ер Канады прывітаў збліжэнне з Еўрасаюзам, але акрэсліў межы членства
Цяпер чытаюць
Брат беларускай каралевы прыгажосці трапіў у рэанімацыю ў Азербайджане4
Каментары