20 sakavika a 17-j hadzinie ŭ Nacyjanalnym histaryčnym muziei Respubliki Biełaruś (Marksa, 12) adkryvajecca vystava, pryśviečanaja 150-hodździu paŭstańnia 1863-1864 hh.
Vystava demanstruje tvory hrafiki, knihi, dakumienty i inšyja pomniki XIX st. Na joj pradstaŭlena bolš za 30 aryhinalnych hraviur z francuzskaha časopisa «Le Monde illustrè», drukavanyja vydańni i rukapisnyja dakumienty – apublikavanyja ŭspaminy sučaśnikaŭ padziej, tvory hramadska-palityčnych dziejačaŭ, histaryčnyja daśledavańni, uzory falerystyki i sfrahistyki.
Cikavaja taksama kalekcyja hraviur, jakaja ŭpieršyniu budzie demanstravacca hledačam.Na vyjavach vačyma jeŭrapiejcaŭ možna ŭbačyć padziei 1863-1864 hh., što adbyvalisia na ziemlach sučasnaj Biełarusi, Litvy, Polščy. Hraviury vykonvali rolu svojeasablivych repartažnych fotazdymkaŭ, jany supravadžali nievialikija paviedamleńni ŭ chronicy, i niaredka byli bolš infarmatyŭnymi i jaskravymi, čym sami artykuły. Na pradstaŭlenych vyjavach možna ŭbačyć batalnyja sceny, zamaloŭki z paŭsiadzionnaha žyćcia varahujučych bakoŭ, tyłu, dramatyčnyja epizody zakančeńnia i parazy paŭstańnia – vysyłka, emihracyja.
U šerahu hraviur siarod krajavidaŭ Polščy, Litvy, Rasii sustrakajucca znajomyja miaściny i vakolicy – Minsk, Hrodna, Navahrudak, Barysaŭ, Słuck.
Vystavačny prajekt arhanizavany Nacyjanalnym histaryčnym muziejemna padstavie pryvatnaj kalekcyi, pry ŭdziele Nacyjanalnaj biblijateki Biełarusi, Nacyjanalnaha histaryčnaha archiva Biełarusi, Biełaruskaha dziaržaŭnaha archiva-muzieja litaratury i mastactva.
Vystava pracuje z 11.00 da 19.00, vychadny – paniadziełak.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik50
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1515
Kamientary