Jak paźbiehnuć raku, jaki pieradajecca pry aralnym seksie
Usio, što dla hetaha treba — nie lenavacca prachodzić miedahlad.
Navukoŭcy pierakananyja, što rak rotavaj paražniny i horła, jaki «pieradajecca» praz aralny seks virusam papiłomy čałavieka, možna praduchilić jašče da pačatku rostu złajakasnaj puchliny.
Usio, što dla hetaha treba — nie lenavacca prachodzić miedahlad.
Ekśpierty SAAZ sumiesna z kamandaj daśledčykaŭ pryjšli da vysnovy, što ŭzbudžalnik raku moža być znojdzieny ŭ kryvi za šmat hadoŭ da taho, jak pačnie raźvivacca ankałahičnaje zachvorvańnie. Dla hetaha treba prosta prachodzić pravierku na antycieły da peŭnych ankahienaŭ typu virusa papiłomy čałavieka. Tady lekary zmohuć zahadzia vyznačyć vysokuju vierahodnaść raźvićcia raka rotavaj paražniny i pryniać nieabchodnyja miery pa jaho niedapuščeńni.
Daśledčyki nie vypadkova kažuć pra virus papiłomy čałavieka (VPČ) u suviazi z vysokim ryzykaj raka horła. VPČ źjaŭlajecca pryčynaj raku šyjki matki i inšych rakavych zachvorvańniaŭ pałavych orhanaŭ. Adnak jon moža być taksama ŭzbudžalnikam raku paražniny rota i hłotki, asabliva siarod mužčyn. Niadaŭna halivudski akcior Majkł Duhłas, jaki prajšoŭ lačeńnie ad raku horła, zajaviŭ, što rak byŭ pieradadzieny jamu praz aralny seks.
-
Maładoje pakaleńnie pierastała hetaha saromiecca: 22% amierykancaŭ pakaleńnia Z ličać siabie ŁHBTK. Absalutnaja bolšaść ź ich — heta biseksuały
-
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ
-
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny
Kamientary