8 krasavika kampanija «Budźma!» zaprašaje da dyskusii: jak nadać Minsku pačućcio ŭłasnaj hodnaści, a jaho žycharam — honaru za svoj horad?
Viesnavyja vyśviatleńni stasunkaŭ z kulturaj ad kampanii «Budźma!» pierajšli ekvatar, i napieradzie dźvie temy, pryznačeńnie jakich — dapamahčy biełarusam lepš aryjentavacca ŭ vonkavaj prastory i… u samich sabie. 8 krasavika abmiarkujem, jak nadać Minsku pačućcio ŭłasnaj hodnaści, a jaho žycharam — honaru za svoj horad.
8 krasavika ŭ «CECHu» hramadskaja kulturnickaja kampanija «Budźma biełarusami!» pravodzić čaćviortuju sustreču dyskusijnaha cykłu «Kultura palapšaje žyćcio!». Tema dyskusii, «Kultura budavać prastoru. Rekanstrujujem Minsk», užo nabalełaja dla minčukoŭ, nieadnarazova padniataja ŭ ŚMI i sacyjalnych sietkach, vynosicca na adkrytaje abmierkavańnie. Na padstavie sprečnaha pracesu rehienieracyi histaryčnaha centra Minska buduć šukacca adkazy i na bolš šyrokija pytańni:
- Jak zrabić Minsk «horadam dla ludziej», dzie kožny adčuvaje siabie svabodna i ŭtulna?
- Jakija miechanizmy ŭdziełu hramadstva ŭ farmavańni prastory (dyzajnu) horada?
- Jak nie stracić histaryčna-kulturnuju admietnaść i charaktar horada?
- Jak najaŭnaja i stračanaja architekturnaja spadčyna farmuje staŭleńnie da jaje žycharoŭ i haściej horada?
Svaje pazicyi pa hetych pytańniach buduć vykazvać:
1. Vadzim Hlińnik, architektar;
2. Uładzimir Papruha, architektar;
3. Uładzimir Vałažynski, administratar i stvaralnik sajta www.minsk-old-new.com;
4. Artur Klinaŭ, mastak, litaratar, hałoŭny redaktar časopisa «pARTisan».
Maderatar: hałoŭny abaronca kulturna-histaryčnaj spadčyny krainy Anton Astapovič.
Kreatyŭnaja prastora «CECH», prasp. Niezaležnaści, 58, k.6 (prachod praz vuł. P.Broŭki), dalni padjezd, 2 pavierch (schiema prajezdu).
Uvachod volny.
Pačatak: 19.00.
XX
Kamientary