9 vieraśnia «Latučy ŭniviersitet» zaprašaje na adkryćcio ŭniviersiteckaha hoda i prezientacyju Prahramy na 2014-2015 h.
Jakimi miežami my zadajom i vyznačajem sučasnaść? Z dapamohaj jakich srodkaŭ realizujem siabie ŭ joj? Na jakoj movie razumiejem, tłumačym i vyznajom? Biez adkazu na hetyja pytańni niemahčyma raspačać pracu Univiersiteta.
9 vieraśnia 2014 h. Latučy abviaščaje pra pačatak novaha ŭniviersiteckaha hoda i zaprašaje da ŭdziełu ŭsich zacikaŭlenych spravaj Univiersiteta i myśleńnia razam, kab zaryjentavacca ŭ prastory i časie, u aktualnych pytańniach i mahčymaściach adkazaŭ na ich - u tym, JAK, DZIE, Z KIM i JAKIM ČYNAM suadnieści siabie, čas i hramadstva.
Sioleta ŭ prahramie Latučaha až 5 kursaŭ, źviazanych z historyjaj. Siarod ich — Škoła VKŁ, jakuju raspačynaje Aleh Dziarnovič.
U miežach imprezy Latučaha vy budziecie mieć mahčymaść pačuć ujaŭleńni, razvahi i pytańni, ź jakimi raspačynajuć pracu ŭ novym hodzie čalcy kalehiuma Latučaha, abmierkavać płany i mahčymaści realizacyi siabie i svaich intelektualnych pamknieńniaŭ, bližej paznajomicca z vykładčykami i saŭdzielnikami ŭ budučaj pracy.
Tradycyjna na sustrečy možna budzie daviedacca pra novuju Prahramu na 2014-2015 h.h. Arhanizatary praduhledžvajuć i niefarmalnuju častku – mažlivaść niepasrednaha sumoŭja za kavaj-harbataj u asiarodździ lektaraŭ kursaŭ i publičnych lekcyj, viadučych škoł i sieminaraŭ, arhanizataraŭ univiersiteckich placovak.
Impreza z nahody pačatku ŭniviersiteckaha hodu ŭ Latučym «Univiersitet i sučasnaść» adbudziecca 9 vieraśnia a 18.30 u prastory CECH (pr-t Niezaležnaści, 58/k.6, prachod praz vuł. Broŭki). Uvachod volny!
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary