U Minsku asudzili mužčynu, jaki praz relihijnyja pierakanańni admoviŭsia ŭdzielničać u vajskovych zborach
Minčuk u pryznačany dzień pryjšoŭ u vajenkamat, adnak jechać na zbory admoviŭsia, spasłaŭšysia na toje, što heta supiarečyć jahonym relihijnym pierakanańniam, pišuć «Minsk-Naviny».
Sud Pieršamajskaha rajona Minska vynies prysud 38‑hadovamu miascovamu žycharu, jakoha abvinavacili va ŭchileńni ad prychodu na vajskovyja zbory. Mužčyna, jaki pracuje hruzčykam i raniej nie pryciahvaŭsia da kryminalnaj adkaznaści, svajoj viny na sudovym pasiadžeńni nie pryznaŭ.
Pavodle materyjałaŭ spravy, minčuk atrymaŭ paviestku i pavinien byŭ źjavicca ŭ vajskovy kamisaryjat 7 kastryčnika 2025 hoda dla adpraŭki ŭ čaść. Pry ŭručeńni paviestki jaho pad podpis papiaredzili pra adkaznaść.
U pryznačany dzień mužčyna pryjšoŭ u vajenkamat, adnak naŭprost admoviŭsia jechać na zbory, patłumačyŭšy heta svaimi relihijnymi pierakanańniami — viera zabaraniaje jamu mieć status vajskoŭca.
Na padstavie č. 1 art. 436 Kryminalnaha kodeksa Respubliki Biełaruś sud pryznaŭ minčanina vinavatym i pryznačyŭ pakarańnie ŭ vyhladzie:
- papraŭčych rabot na termin šeść miesiacaŭ;
- utrymańnia ŭ dachod dziaržavy 20% ad zarobku pa asnoŭnym miescy pracy (ale nie mienš za adnu bazavuju vieličyniu štomiesiac).
Prysud pakul nie ŭstupiŭ u zakonnaje dziejańnie i moža być abskardžany.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary
Jak razumieju, to hetym "sudovym pracesam" banda rychtujecca da mabilizacyi hramadzianaŭ.