Jak paśla vypiski vyhladaje dziaŭčynka, na jakuju napali biazdomnyja sabaki

Zdareńnie adbyłosia 8 maja ŭ lesapałasie pobač ź mikrarajonam Šviedskaja Horka. Školnica viartałasia dadomu pa ściežcy, kali na jaje napali biazdomnyja sabaki i litaralna pakusali ŭsio cieła.

Dziaŭčynku vyratavaŭ miascovy žychar, jaki prajazdžaŭ niepadalok na matacykle. Pavodle jaho słoŭ, sabaki byli bujnymi — kala 40 santymietraŭ u karku.

Stan Lidy lekary aceńvali jak «krajnie ciažki».

— Dzicia było ŭsio skusanaje, ad hałavy da noh. Jaje ekstranna padniali ŭ apieracyjnuju, — raskazaŭ u efiry «Biełaruś 4» zahadčyk traŭmatałoha-artapiedyčnaha adździaleńnia Homielskaj abłasnoj dziciačaj kliničnaj balnicy Alaksandr Vińnik. 

Mama dziaŭčynki raspaviała Onlíner, što jaje ŭžo vypisali z balnicy.

— Kali doma Lida źniała adzieńnie, ja adviarnułasia i zapłakała: prosta nie zmahła na heta hladzieć, — pryznajecca Julija. — Hałava, patylica, śpina, nožki — usio ŭ šnarach i ŭkusach. Zaraz leta, śpioka i treba dumać, jak padabrać adzieńnie, kab usiaho hetaha nie było vidać: Lida vielmi saromiejecca šramaŭ i mocna pieražyvaje praz heta.

Paśla vypiski dziaŭčyncy pryznačyli zmazvać švy i ślady ad ukusaŭ śpiecyjalnaj maźziu, kab nie było rubcoŭ.

Pavialičyć

— My ŭčora jeździli da chirurha, jaki prysutničaŭ na momant jaje pastupleńnia ŭ balnicu, — kaža Julija. — Doktarka skazała, što dačka była ŭsia irvanaja, što sabačyja ikły cudam nie zakranuli žyćciova važnych arteryj. Dobra, što Alaksandr jaje svoječasova zaŭvažyŭ! Strašna padumać, ale sabaki prosta mahli zahryźci majo dzicia… Heta prosta cud, što jaje vyratavali.

Pavodle słoŭ maci dziaŭčynki, zaraz jany zaniepakojeny estetyčnym pytańniem: jak nadalej vizualna minimizavać ślady ad ukusaŭ i šnary.

— Jašče da trahiedyi my nakupili Lidzie letniaha adzieńnia, ale jano ŭsio adkrytaje. Stali niešta vybirać dla prahułki — płača, saromiejecca nadziavać, kaža, što buduć vidać šramy. A što tut joj prapanavać, kali na joj žyvoha miesca niama? Adzinaje, što acaleła — tvar, — płača Julija.

Pavialičyć

Pakul siamja šukaje kliniki, jakija z časam dapamohuć schavać šnary i dać mahčymaść dziaŭčyncy adčuć siabie bolš upeŭniena.

— Viadoma, Lida jašče dzicia i chutka pieraklučajecca. Jana chodzić na prahułki, sustrakajecca ź siabroŭkami. Učora my razam chadzili na placoŭku ŭ piaty mikrarajon.

Dačku niečakana akružyli nieznajomyja mnie dzieci, stali jaje padbadziorvać. Akazałasia — jaje novyja siabry, jakija daviedalisia pra vypadak z TikTok. Heta było tak kranalna! Piać hadoŭ tamu nie stała taty Lidy, a tut praz čas takaja biada ź joj. Paśla nas padtrymała šmat ludziej — i ja ŭsim vielmi za heta ŭdziačnaja.

Dapamahčy dziaŭčyncy možna praz dabračynny rachunak.

• 3
• 2
• 0
• 0
• 3
• 12
• 2
• 1