Pad Minskam pradajuć dom z ułasnaj prystańniu. Jość i vinny sklep. Pra canu možna paspračacca
Siadziba z ułasnym vychadam da vady zbudavanaja ŭ adnoj z samych darahich i malaŭničych viosak pad Minskam.
Vioska Dubrova ŭ Smalavickim rajonie jašče niekalki dziesiacihodździaŭ tamu była zvyčajnym nasielenym punktam. Ale ŭ 1980‑ia ŭsio źmianiłasia: na rekach Usiaža i Dubroŭka źjaviłasia Dubroŭskaje vadaschovišča, i miesca chutka pieratvaryli ŭ adzin z papularnych dačnych kirunkaŭ pad Minskam. Ad MKAD — 25 kiłamietraŭ.
Za amal paŭstahodździa vioska istotna razrasłasia. Kali raniej tut była tolki Centralnaja vulica, to ciapier — užo niekalki: Lasnaja, Padhornaja, zavułak Nabiarežny. Pavodle źviestak na pačatak 2023 hoda, u Dubrovie žyli 99 čałaviek.
Siońnia hetaje miesca asabliva lubiać minčuki. Učastki tut ličacca adnymi z samych darahich u pryharadzie, a damy ź vidam na vadu doŭha na rynku nie zatrymlivajucca.
Ciapier u Dubrovie na prodaž vystavili toje, što ŭ abviestcy Realt.by nazyvajuć «rezidencyjaj premijalnaha ŭzroŭniu». Košt — kala 1,2 miljona dalaraŭ.
Hałoŭnaja «fiška» — ułasny vychad da vady i pryvatnaja prystań na bierazie Dubroŭskaha vadaschovišča. Z teras i panaramnych voknaŭ adkryvajecca vid na les i vadu, a ŭsia terytoryja bolš nahadvaje nievialiki zaharadny kurort.
Płošča ŭčastka — 30,6 sotki. Na terytoryi zrabili łandšaftny dyzajn, spartyŭnuju placoŭku, zonu barbiekiu, prakłali sietku darožak i arhanizavali adkrytuju parkoŭku z zaradkaj dla elektramabila.
Praduhledžanyja aŭtamatyčnyja varoty, videanazirańnie i achoŭnaja sihnalizacyja.
Asnoŭny dom — dvuchpaviarchovy, z trochmietrovymi stolami, ciopłaj padłohaj, sistemaj vientylacyi i kandycyjanavańnia. Aciapleńnie hazavaje, z mahčymaściu dystancyjnaha kiravańnia. Vadu padajuć sa śvidraviny.
Na pieršym paviersie raźmiaścili vialikuju haścioŭniu, kuchniu-stałovuju, dźvie spalni, sanvuzieł z chamamam, a taksama haraž, kacielniu i kładoŭku.
Na druhim paviersie raźmiaścilisia dźvie spalni, harderobnyja i panaramnaja terasa ź ležakami i dušavoj zonaj.
Asobna na placy znachodziacca łaźnia z kupiellu, dom adpačynku ź biljardam i PlayStation, vinny dom ź vinnym sklepam, jašče adzin asobny sklep i haraž dla aŭtamabilaŭ i vodnaj techniki.
U abviestcy padkreślivajuć, što prajekt stvaraŭsia niekalki hadoŭ i zapatrabavaŭ składanych manalitnych i łandšaftnych rabot. Aŭtary śćviardžajuć, što dom pryznačany «dla tych, chto cenić pryvatnaść, inžyniernuju pradumanaść i redkija vidavyja charaktarystyki kala vady».
Praŭda, navat dla Dubrovy košt vyhladaje asablivym. Dla paraŭnańnia: na toj ža vulicy ciapier pradajecca katedž z basiejnam płoščaj 165 kvadratnych mietraŭ na ŭčastku 11,4 sotki — za 260 tysiač dalaraŭ. Ale toj — biez svajoj prystani, panaramnych vidaŭ i astatnich atrybutaŭ «pryvatnaha kurorta».
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary