«Tolki nie śpisvaj słova ŭ słova». U Hrodnie adkryvajuć kramu «Kuźniečik», padazrona padobnuju na polskuju «Žabku»
U Hrodnie na vulicy Horkaha, 92 rychtujecca da adkryćcia novaja praduktovaja krama pad nazvaj «Kuźniečik». Afarmleńniem jana dubluje papularnuju polskuju sietku kram kala doma «Žabka».
Na niezvyčajny abjekt źviarnuli ŭvahu karystalniki sacsietki Threads.
Biełarusy pišuć, što ŭ «Kuźniečika» šmat ahulnaha z «Žabkaj».
Fasad i vyvieska hrodzienskaj kramy vykanany ŭ firmiennych zialonych adcieńniach polskaha brenda.
Na škle raźmieščanyja vyjavy chot-doha i kubačka z kavaj z nadpisami «Hałodny?» i «Haračuju kavu?», što paŭtaraje kancepcyju chutkich pierakusaŭ u «Žabcy».
Jak adreahavali biełarusy
Adny kamientatary pastavilisia da naviny ź ironijaj, krytykujučy stvaralnikaŭ za adsutnaść ułasnych idej i ślapoje kapijavańnie: «Tolki nie śpisvaj słova ŭ słova», «Kali ničoha svajho prydumać nie možaš…». Niekatoryja aburany, čamu «Kuźniečik», a nie «Konik».
Inšyja vykazali skiepsis nakont žyćciazdolnaści adnoj kramy. Jany nahadali, što siła «Žabki» ŭ vielizarnaj franšyzie, naładžanaj łahistycy i tysiačach kram pa ŭsioj krainie, što dazvalaje źnižać vydatki.
Urešcie, častka karystalnikaŭ nie ŭbačyła ŭ hetym prablemy, adznačyŭšy, što farmat kramy krokavaj dastupnaści papularny va ŭsim śviecie, a źjaŭleńnie novych pracoŭnych miescaŭ i adsutnaść vialikich čerhaŭ — heta zaŭsiody plus dla pakupnikoŭ.
Ciapier čytajuć
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali1
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2020
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ20
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary