26 listapada, 18.30, Halereja «Ŭ» (Niezaležnaści, 37A).
Mižnarodny kansorcyum «JeŭraBiełaruś», Latučy ŭniviersitet i «Biełarusskij žurnał» zaprašajuć na adkrytuju lekcyju biełaruskaha žurnalista, daśledčyka miedyjaśfiery Paŭluka Bykoŭskaha «Źmieny madelaŭ miedyjaspažyvańnia i vykliki tradycyjnaj žurnalistycy». Mierapryjemstva adbudziecca ŭ miežach cykła adkrytych lekcyj «Hałoŭnaje pytańnie», pieršaja častka jakoha adbyłasia ŭ vieraśni-kastryčniku hetaha hoda.
Kali ŭ «pieršym siezonie» adkrytych lekcyj pra «Hałoŭnaje pytańnie» razvažali siabry kalehiuma Latučaha ŭniviersiteta – intelektuały, navukoŭcy, daśledčyki, to zaraz my zaprasili da ŭdziełu pradstaŭnikoŭ adnoj z samych dynamičnych i prablemnych śfieraŭ sučasnaści – śfiery miedyja, srodkaŭ masavaj infarmacyi i kamunikacyi.
Prastora miedyja źmianiajecca chutkimi tempami, z adnaho boku stvaraje ŭsio bolš mahčymaściaŭ i ŭsio hłybiej pranikaje ŭ naša žyćcio, a z druhoha – stavić novyja vykliki dla svaich «tvorcaŭ» i ŭsich tych, chto sprabuje dziejničać u miedyjaprastory, skarystoŭvać jaje dla realizacyi svaich prajektaŭ, metaŭ, hramadskich ci asabistych intaresaŭ. Źmianiajucca sposaby stvareńnia i kanały tranślacyi infarmacyi, tradycyjnyja farmaty masavaj kamunikacyi blizkija da zychodu z histaryčnaj sceny, i hety zychod moža prajści niezaŭvažna, bo novyja mahčymaści raźvivajucca tak chutka, što navat śpiecyjalisty nie zdolnyja adsočvać usie inavacyi. Łavina infarmacyi, ci jak zaraz pryniata kazać, «kantentu», jakaja vyrablajecca sučasnymi ŚMI, na niekalki paradkaŭ pieravyšaje sukupnuju zdolnaść jaje spažyvańnia. Jakija vykliki staviać hetyja pracesy pierad tradycyjnaj žurnalistykaj, i jakim čynam sučasnaja žurnalistyka pavinna na hetyja vykliki adkazvać, kab zachavać siabie i svaje pryznačeńnie – razvažaje ŭ svajoj lekcyi Paŭluk Bykoŭski.
Adkrytaja lekcyja Paŭluka Bykoŭskaha «Źmieny madelaŭ miedyjaspažyvańnia i vykliki tradycyjnaj žurnalistycy» adbudziecca 26 listapada u Haleryi «Ŭ» (Minsk, prasp. Niezaležnaści, 37a).
Na sajcie Latučaha ŭniviersiteta možna budzie pabačyć anłajn-tranślacyju lekcyi.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary