U paviedamleńni na staroncy bataljona «Betmen» u sacyjalnaj sietcy «VKontaktie» śćviardžajecca, što Alaksandr Biadnoŭ byŭ zabity 1 studzienia pa rasparadžeńni kiraŭnika ŁNR Ihara Płatnickaha.
«Betmen i ŭsio jaho supravadžeńnie pa zahadzie Płatnickaha źniščanyja, addadzieny zahad na začystku ŭsich nieprymirymych kamandziraŭ, — napisali aŭtary zapisu. — Supracivu z boku Betmena nie było, ich tupa rasstralali na chadu».
Zhodna ź infarmacyjaj, raspaŭsiudžanaj bataljonam, bajcy «Betmena» apaznali cieła svajho kamandzira, jakoje znachodziłasia ŭ Volkswagen Transporter T-4. Tyja, chto napadaŭ, nibyta spalili i mašynu Toyota Prius, jakaja supravadžała aŭtamabil kambata. Na staroncy padraździaleńnia apublikavanyja fatahrafii pakamiečanych aŭtamabilaŭ i dvuch trupaŭ. Adzin ź ich, abhareły, znachodziŭsia ŭ sałonie mašyny, druhi lažaŭ kala jaje. U paviedamleńni adznačajecca, što zabityja šeść apałčencaŭ z kartežu Biadnova.
Hienieralnaja prakuratura ŁNR paviedamiła, što kamandzir bataljona Alaksandr Biadnoŭ, viadomy pad mianuškaj Betmen, «akazaŭ uzbrojeny supraciŭ pry zatrymańni i byŭ zabity».
Pavodle źviestak milicyi ŁNR, bajcy Betmena na praciahu doŭhaha času ŭtrymlivali ŭ zakładnikach i katavali 13 miascovych žycharoŭ.
-
Pieramovy Rasii i ZŠA ŭ Er-Ryjadzie zaviaršylisia, pra vyniki paviedamiać zaŭtra
-
Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej
-
Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ
Kamientary