«Narodnaja milicyja» samaabvieščanaj Łuhanskaj narodnaj respubliki zatrymała troch bajcoŭ bataljona «Hrupa chutkaha reahavańnia» «Betmien». Pra heta paviedamlaje rasijskaje infarmacyjnaje ahienctva «Naviny» sa spasyłkaj na Hienieralnuju prakuraturu ŁNR.
Pavodle źviestak milicyi, bajcy na praciahu doŭhaha času ŭtrymlivali ŭ zakładnikach i katavali 13 miascovych žycharoŭ.
Adznačajecca, što kamandzir bataljona Alaksandr Biadnoŭ, viadomy pad mianuškaj Betmen, «akazaŭ uzbrojeny supraciŭ pry zatrymańni i byŭ zabity».
Pry pieratrusie ŭ damach bajcoŭ było znojdziena bolš za 100 adzinak ahniastrelnaj zbroi.
Kamientary