Miedytacyja zapavolvaje praces stareńnia mozha
Kožny z nas čuŭ, što mozh stareje, pryčym pačynajecca heta ŭžo paśla 20 ź niečym hod. Doktar Fłaryjan Kurt z Brain Mapping Center univiersiteta Łos-Andželesa śćviardžaje, što ludzi, jakija praktykujuć miedytacyju, u mienšaj stupieni sutykajucca z hetaj prablemaj.
Miedytacyja zdaŭna pryznanaja karysnaj dla zdaroŭja jak psichičnaha, bo źmianšaje tryvožnaść, prajavy depresii i inšyja psichałahičnyja simptomy, tak i fizičnaha. Minułyja daśledavańni vyjavili, što miedytacyja stymuluje kahnityŭnyja funkcyi – pamiać, uvahu, chutkaść apracoŭki infarmacyi. U apošnim daśledavańni d-r Kurt i jaho kalehi zadalisia metaj pahladzieć, ci jość suviaź pamiž miedytacyjaj i kolkaściu šeraha rečyva, što mahło b dapamahčy rastłumačyć papiarednija vyniki.
Daśledavalisia kala 100 čałaviek va ŭzroście ad 24 da 77 hod, pałova ź jakich praktykavała miedytacyi ciaham 4-46 hod, a druhaja pałova nikoli nie zajmałasia miedytatyŭnymi praktykami. Pa vynikach MRT mozha vyjaviłasia, što straty šeraha rečyva ŭ roznych abłaściach mozha značna mienšyja ŭ tych, chto praktykavaŭ miedytacyi, paraŭnalna z kantrolnaj hrupaj.
«Naturalna, na stareńnie mozha ŭpłyvajuć i inšyja faktary — ad hienietyki da stanu ekałohii dy škodnych zvyčak. Ale ŭ lubym vypadku, taki fienomien patrabuje hłybokich daśledavańniaŭ, bo pakazvaje adzin sa šlachoŭ zapavolvańnia stareńnia mozha», — kamientuje vyniki doktar Ejlin Ładers.
Ciapier čytajuć
«Ja naviedaŭ samuju izalavanuju krainu Jeŭropy». Amierykanski błohier raskazaŭ, jak pryjazdžaŭ u Biełaruś u 2020-m i 2024-m4
Kamientary