Za žnivień zołatavalutnyja reziervy Kitaja źnizilisia na $94 młrd
Za žnivień zołatavalutnyja reziervy Kitaja źnizilisia na $94 młrd, paviedamlaje ahienctva Błumbierh. Heta histaryčny rekord. Nikoli jašče Kitaj nie traciŭ stolki na padtrymańnie kursu juania. I heta niahledziačy na 5-pracentavuju devalvacyju kitajskaj valuty.
Praŭda, zołatavalutnyja reziervy Kitaja ahromnistyja. Na siońnia jany składajuć prykładna 3560 miljardaŭ. Heta značyć, što za žnivień Kitaj nie vytraciŭ i 3%. I tym nie mienš, ekanamisty ŭspryniali infarmacyju jak čarhovy tryvožny zvanočak adnosna stanu kitajskaj haspadarki.
Cikava, što ŭ momant pačatku pierachodu Kitaja ad sacyjalizmu da kapitalizmu ŭ ekanomicy, a heta było ŭ 1980 hodzie, zołatavalutnyja reziervy Kitaja składali ŭsiaho 2,55 młrd dalaraŭ.
Dla paraŭnańnia, zołatavalutnyja reziervy Biełarusi na siońnia — kala 4,6 młrd dalaraŭ, Polščy — 104 młrd, Rasii — 366 młrd.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary