«Ja Viktar Orban, i ja chaču vas pavinšavać». Madźjar raskazaŭ pra svaju razmovu z Orbanam
Lidar vienhierskaj partyi «Cisa» Pieter Madźjar padrabiazna raskazaŭ pra svaju razmovu ź dziejnym premjeram Viktaram Orbanam paśla taho, jak toj uśviadomiŭ svaju parazu na vybarach. Pra heta jon raskazaŭ na pres-kanfierencyi ŭ Budapiešcie, adkazvajučy na pytańni vienhierskich miedyja, paviedamlaje «Jeŭrapiejskaja praŭda».
Madźjar pryznaŭsia, što nie čakaŭ zvanka ad Orbana, choć i byŭ pierakanany ŭ svajoj pieramozie.
«Telefonnaje vinšavańnie było karotkim, i jano było takim, jakim ja moh by jaho ŭjavić — choć, ščyra kažučy, ja nie dumaŭ, što heta adbudziecca».
«Mnie patelefanavaŭ Hierhiej Hujaš, ź jakim my daŭno znajomyja, jakoha ja dobra viedaju — jon chrosny baćka majho syna, i my majem numary adzin adnaho», — raskazaŭ Madźjar. Hujaš, jaki pracuje kiraŭnikom ofisa Orbana, skazaŭ, što Orban choča pahavaryć z Madźjaram, ale nabiare jaho sam, z ułasnaha telefona.
Pieter Madźjar raskazaŭ cikavuju detal: jon nie biare słuchaŭku padčas zvankoŭ ź nieznajomych numaroŭ, tamu Hujaš byŭ vymušany dać jamu apošnija čatyry ličby numara Orbana, kab jaho numar staŭ «znajomym».
«Jon patelefanavaŭ. Ja skazaŭ: dobry dzień, ja Pieter Madźjar, a jon mnie — a ja Viktar Orban, i ja chaču vas pavinšavać. A ja adkazaŭ: ja chaču padziakavać».
Pierakazaŭšy źmiest hetaj karotkaj razmovy, Madźjar dadaŭ, što paprasiŭ Orbana razam likvidavać raskoł u vienhierskim hramadstvie, choć nie ŭdakładniŭ, jak heta pavinna adbycca.
«Ja skazaŭ jamu, što ŭ nas jość ahulnaja adkaznaść za abjadnańnie krainy», — zaŭvažyŭ Pieter Madźjar.
Chto taki Pieter Madźjar, jaki pieramoh Viktara Orbana
Videa ź pieramožnym tancam u Budapiešcie sabrała za noč bolš za miljon prahladaŭ
U Vienhryi abvieščany vyniki padliku 98,9% hałasoŭ
Madźjar: Sijarta pajechaŭ u MZS źniščać važnyja dakumienty
Łukašenka paśpiašaŭsia: Kreml admoviŭsia vinšavać Pietera Madźjara
Ciapier čytajuć
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary
"I mi zajavili, ŝo jakŝo pieriehovori z Ukrajinoju buduť doviedieni do kincia, to v Uhorŝini vidbudieťsia riefieriendum z pitańnia pro tie, či ślid prijniati Ukrajinu do Jevropiejśkoho Sojuzu. Ale ja dumaju, ŝo cie vidbudieťsia v najbližčomu majbutńomu, i ja nie dumaju, ŝo cie vidbudieťsia v najbližči 10 rokiv", – pidkrieśliv vin.
Takož Madiar torknuvsia pitańnia politiki uriadu ŝodo Ukrajini, pišie HVG. Vin zajaviv pro tie, ŝo v Ukrajini živie dužie bahato uhorciv, ŝo tam je istorični uhorśki mista.
"Naš pieršočierhovij intieries polahaje v tomu, ŝob vriehuluvati śpirni pitańnia", – zaznačiv Madiar.