Sajty ahienctva BiełaPAN i Naviny.by byli zabłakavanyja za praŭdzivy repartaž pra «Malitvu za Biełaruś»?
DDoS-ataki na sajty ahienctva BiełaPAN pačalisia prykładna a 12-j hadzinie 3 kastryčnika. Pa stanie na 22.30 naviny.by i belapan.by zastavalisia niedastupnyja. Uranku ŭ niadzielu dostup da ich adnaviŭsia.
«Kampanija BiełaPAN robić usio mahčymaje, kab paŭnavartaja rabota sajtaŭ adnaviłasia jak najchutčej», — havorycca ŭ paviedamleńni ahienctva.
«Vidać, jany ŭčora niejak nie vielmi pra «Malitvu za Biełaruś» napisali», — hetaja zdahadka masava hučyć u sacyjalnych sietkach.
Sapraŭdy, učora žurnalistka Adarja Huštyn zrabiła jaskravy repartaž z «masoŭki» na ŭčorašniaj «Malitvie za Biełaruś». Akramia taho, Naviny.by źmiaścili padborku karykatur na Alaksandra Łukašenku. Resurs razam ź inšymi vydańniami pieradrukavaŭ taksama mierkavańnie rasijskaha karykaturysta i psichijatra Andreja Bilžo adnosna padychodaŭ Alaksandra Łukašenki da vychavańnia małodšaha syna.
Kamientary