Dziesiacihadovaja dziaŭčynka paprasiła hiendyrektara NASA znoŭ ličyć Płuton płanietaj. Jon joj adkazaŭ
Dziesiacihadovaja dziaŭčynka Kaeła na svajoj staroncy ŭ sacyjalnaj sietcy źviarnułasia da kiraŭnika NASA Džareda Ajziekmana z prośbaj aficyjna pryznać Płuton dziaviataj płanietaj Soniečnaj sistemy.
Jak piša vydańnie The Times of India, dziaŭčynka ŭ svaim zvarocie pieraličyła niekalki pryčyn, pa jakoj heta treba zrabić:
«Jon źjaŭlajecca častkaj našaj Soniečnaj sistemy i kaliści byŭ płanietaj; heta karlikavaja płanieta, i jana zasłuhoŭvaje taho, kab być sapraŭdnaj płanietaj; heta mahło b zrabić mnohich ludziej ščaślivymi», — napisała Kaeła.
Paŭtarajučy svaju prośbu, jana dadała:
«Mahčyma, heta nie vaš vybar, ale kali heta tak, kali łaska… zrabicie heta… Ja była b vielmi, vielmi ščaślivaja».
«Kaeła, my vyvučajem heta pytańnie», — adkazaŭ hiendyrektar NASA.
Jak viadoma, Płuton mieŭ status dziaviataj płaniety Soniečnaj sistema ad času svajho adkryćcia ŭ 1930 hodzie. Adnak u 2006 hodzie jon byŭ kłasifikavany jak karlikavaja płanieta i vyklučany z aficyjnaha śpisa płaniet Soniečnaj sistemy.
Kamientary
Kab kaśmičnaje cieła ličyłasia płanietaj Soniečnaj sistemy, jano pavinna adpaviadać trom patrabavańniam:
1. Jano pavinna abaročvajecca vakoł Sonca. (Płuton adpaviadaje).
2. Jano pavinna być dosyć masiŭnym, kab pad dziejańniem ułasnaj hravitacyi pryniać śfieryčnuju formu. (Płuton adpaviadaje).
3. Jano pavinna ačyścić svaju arbitu ad inšych abjektaŭ.
Mienavita na trecim punkcie Płuton «pravaliŭsia». Jon znachodzicca ŭ pojasie Kojpiera — vobłaści, napoŭnienaj ledzianymi abjektami i kaśmičnym śmiećciem. Masa Płutona składaje ŭsiaho kala 0,07% ad ahulnaj masy ŭsich abjektaŭ na jaho arbicie. Dla paraŭnańnia, Ziamla ŭ 1,7 miljona razoŭ ciažejšaja za ŭsio astatniaje na svaim šlachu.
U pačatku 2000-ch astranomy pačali znachodzić u pojasie Kojpiera inšyja abjekty, padobnyja da Płutona. Asabliva važnaj stała znachodka Erydy, jakaja akazałasia amal takoj ža pa pamiery, jak Płuton, ale bolš masiŭnaj. Navukoŭcy apynulisia pierad vybaram: albo pryznać Erydu (i jašče dziasiatki padobnych cieł) dziesiataj, adzinaccataj i hetak dalej płanietaj, albo stvaryć novuju katehoryju.
Siońnia Płuton aficyjna nazyvajuć płanietaj-karlikam (dwarf planet). Heta nie «panižeńnie ŭ pasadzie», a bolš dakładnaja kłasifikacyja.