Iłona Hieraščanka stvaryła internet-pietycyju, kab zabrać dačku ŭ byłoha muža i Lusi Łuščyk
Skandał, hierojami jakoha staŭ biznesoŭca Andrej Hieraščanka, jahonaja byłaja žonka Iłona Hieraščanka i novaja žonka Lusia Łuščyk, nabiraje abaroty.
Iłona Hieraščanka stvaryła… internet-pietycyju i źbiraje hałasy ŭ svaju padtrymku.
«Ja razumieju, što moj były muž Andrej Hieraščanka budzie karystacca svaimi suviaziami i ŭsialak mnie pieraškadžać, ale dziakujučy Vam u mianie źjavilisia siły zmahacca i nie zdavacca, — źviartajecca jana da patencyjnych padpisantaŭ. — Ja vielmi prašu ŭsich, chto nie zastaŭsia abyjakavy da majoj maciarynskaj trahiedyi, padpisać dadzienuju pietycyju, kab maja dačuška i ja byli razam! Ja vieru, što hramadskaja dumka źviernie na siabie ŭvahu pravaachoŭnych i sudovych orhanaŭ i viernie mnie majho dziciaci».
Na dadzieny momant svaje hałasy pakinuli 2 tysiačy čałaviek. Stvaralnica pietycyi stavić za metu sabrać 2500 hałasoŭ.
Iłona Hieraščanka adznačaje, što źbirajecca nakiravać zvarot u Viarchoŭny sud. Heta sud apošniaj instancyi, adnak źviartacca ŭ jaho možna tolki dla abskardžvańnia rašeńniaŭ, jakija nie ŭstupili ŭ zakonnuju siłu.
34-hadovaja Iłona Hieraščanka — zasnavalnica kłuba rańniaha dziciačaha raźvićcia Global Child — pieršaha takoha ŭ Minsku anhłamoŭnaha.
Kamientary