U Pałac Niezaležnaści ŭ dzień adpačynku Łukašenki zaprasili 140 biznesmienaŭ. Ich prymaŭ Turčyn
140 pradprymalnikaŭ, uładalnikaŭ i kiraŭnikoŭ kampanij, top-mieniedžaraŭ, pradstaŭnikoŭ biznes-kłubaŭ, bankaŭskaha siektara, pramysłovaści, handlu, IT, budaŭnictva i inšych śfier 26 žniŭnia zaprasili pryjechać u Pałac Niezaležnaści. Prytym heta była sierada — dzień, u jaki Łukašenka ŭžo praciahły čas tradycyjna nie źjaŭlajecca na ludziach. Tamu rolu haspadara pałaca vykonvaŭ premjer-ministr Alaksandr Turčyn.
Spačatku ŭdzielnikam sustrečy praviali ekskursiju pa pałacy, a paśla pierad imi vystupiŭ Alaksandr Turčyn.
Siarod udzielnikaŭ sustrečy zaŭvažyli kiraŭnika «Biełciažmaša» Ihara Aniščanku, kiraŭnika i minarytarnaha ŭładalnika «Marozpraduktu» Ivana Dabudźku, dyrektara «Pnieŭmatechcentra» Alaksandra Matviejčava, kiraŭnika fiermierskaj haspadarki «Žuraŭliny kryk» Dźmitryja Kalistratava i inšych.
Padčas razmovy Alaksandr Turčyn zajaviŭ, što ŭrad maje namier padtrymlivać biełaruskich vytvorcaŭ, ale nie płanuje prosta abmiažoŭvać impart. Pry hetym baraćba ź niajakasnaj impartnaj pradukcyjaj, pavodle jaho słoŭ, budzie ŭzmacniacca.
Premjer padkreśliŭ, što na biełaruskim rynku pavinna być sumlennaja kankurencyja, a spažyŭcoŭ nieabchodna abaraniać ad niajakasnych tavaraŭ.
Biznesmieny taksama abmierkavali raźvićcio fiermierskich haspadarak i turyzmu, finansavańnie inavacyjnych prajektaŭ, ličbavizacyju i vykarystańnie štučnaha intelektu ŭ vytvorčaści.
Asobna zakranuli pytańnie rehulavańnia cen. Turčyn zaklikaŭ biznes adkazna padychodzić da ich farmavańnia i nie stavić praźmiernuju prybytkovaść vyšej za intaresy spažyŭcoŭ. Jon papiaredziŭ, što ŭłady nie chacieli b znoŭ uvodzić u pieralik rehulavanych tavaraŭ tyja pazicyi, jakija raniej ź jaho vyklučyli. Dla hetaha, pavodle jaho słoŭ, biznes pavinien samastojna prytrymlivacca razumnaj cenavaj palityki.
Čały ŭžo nie bačyć Krutoha pierajemnikam Łukašenki. A kaho nazyvaje?
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
Kanapackaja nazvała Pucina, Zialenskaha i Pašyniana złosnymi — «bo niedamierki»
Łukašenka zajaviŭ pra namier sustrecca ŭ najbližejšy čas z Pucinym
Biełarusy z dypłamatyčnymi pašpartami fihurujuć u hučnaj kryminalnaj spravie ŭ Turcyi
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
Skoro každoho razdojat na dieńhi.