Časopis Time pryznaŭ čałaviekam hoda kanclera Hiermanii Anhiełu Mierkiel.
Pieramožcu abviaściła ŭ efiry ranišniaha šoŭ «Siońnia» kanała NBC redaktar Time Nensi Hibs.
Na jaje dumku, sioleta Mierkiel prademanstravała, jak jana spraŭlajecca z samymi surjoznymi vyklikami, siarod jakich akazalisia pazykovy kryzis u Jeŭropie, prytok mihrantaŭ u ES, a taksama terakt u Paryžy, jaki pahražaje biaśpiecy ŭsioj Jeŭropy.
Hibs adznačyła «ćviordaje maralnaje lidarstva» Mierkiel u śviecie, dzie jaho nie chapaje, a taksama jaje supraciŭ tyranii.
Mierkiel, na dumku vydańnia, umiešvałasia kožny raz, kali Jeŭropie pahražaŭ surjozny kryzis.
Naminacyju «Čałaviek hoda» časopis Time prysudžaje z 1927 hoda. Časopis vybiraje čałavieka, jaki akazaŭ najbolšy ŭpłyŭ na padzieju adychodziačaha hoda.
U hetym hodzie ŭ šort-liście kandydataŭ akramia Mierkiel byli prezident Rasii Uładzimir Pucin, lidar hrupoŭki «Isłamskaja dziaržava» Abu Bakr al-Bahdadzi, miljarder Donald Tramp, jaki ŭdzielničaje ŭ prezidenckaj kampanii ŭ ZŠA, a taksama prezident Irana Chasan Ruchani, transseksuał Kiejtlin Dženier, zasnavalnik kampanii Uber Trevis Kałanik i aktyvisty ruchu za pravy ciemnaskurych amierykancaŭ Black Lives Matter.
Kamientary