Часопіс Time прызнаў чалавекам года канцлера Германіі Ангелу Меркель.
Пераможцу абвясціла ў эфіры ранішняга шоў «Сёння» канала NBC рэдактар Time Нэнсі Гібс.
На яе думку, сёлета Меркель прадэманстравала, як яна спраўляецца з самымі сур'ёзнымі выклікамі, сярод якіх аказаліся пазыковы крызіс у Еўропе, прыток мігрантаў у ЕС, а таксама тэракт у Парыжы, які пагражае бяспецы ўсёй Еўропы.
Гібс адзначыла «цвёрдае маральнае лідарства» Меркель у свеце, дзе яго не хапае, а таксама яе супраціў тыраніі.
Меркель, на думку выдання, умешвалася кожны раз, калі Еўропе пагражаў сур'ёзны крызіс.
Намінацыю «Чалавек года» часопіс Time прысуджае з 1927 года. Часопіс выбірае чалавека, які аказаў найбольшы ўплыў на падзею адыходзячага года.
У гэтым годзе ў шорт-лісце кандыдатаў акрамя Меркель былі прэзідэнт Расіі Уладзімір Пуцін, лідар групоўкі «Ісламская дзяржава» Абу Бакр аль-Багдадзі, мільярдэр Дональд Трамп, які ўдзельнічае ў прэзідэнцкай кампаніі ў ЗША, а таксама прэзідэнт Ірана Хасан Рухані, транссэксуал Кейтлін Джэнер, заснавальнік кампаніі Uber Трэвіс Каланік і актывісты руху за правы цемнаскурых амерыканцаў Black Lives Matter.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці54
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары