Siońnia, 23 cakavika, u muziei Maksima Bahdanoviča ŭ Trajeckim pradmieści prajšła cyrymonija ŭručeńnia litaraturnaj premii «Debiut».
«Naša Niva» viała videatranślacyju anłajn. Zaraz ža vy zmožacie pahladzieć poŭnuju viersiju cyrymonii ŭručeńnia.
«Debiut» — štohadovaja litaraturnaja premija, uručajecca za najlepšuju debiutnuju papiarovuju ci elektronnuju knihu, napisanuju na biełaruskaj movie abo pierakładzienuju na jaje. Uručajecca aŭtaru abo pierakładčyku, jaki mieŭ uzrost da 35 hadoŭ na momant vydańnia knihi.
Premija zasnavanaja ŭ 2010 h. Biełaruskim PEN-centram, Sajuzam biełaruskich piśmieńnikaŭ i fondam «Viartańnie» (Minsk).
Sioleta na pieramohu pretendavali nastupnyja knihi:
Proza
Anatol Ivaščanka. «Anatałohija» — Minsk: «Knihazbor»;
Kaciaryna Miadźviedzieva «Razłamaški majstra Lufta» — Minsk: IP A.M. Januškievič, elektronnaje vydańnie;
Kirył Stasielka. «Dziciačy manifiest». — Minsk: «Halijafy»;
Paezija
Mikita Najdzionaŭ. «Raźvitancy». — Minsk: «Knihazbor»;
Aleś Płotka. Bajsan. — Minsk: «Knihazbor»;
Anhieła Eśpinoza Ruiz. Rajal la mora. — Vilnia: «Łohvinaŭ»;
Pierakład
Lizavieta Kasmač: Irena Brežna. Najlepšy z usich śvietaŭ (pierakład ź niamieckaj). — Vilnia: «Łohvinaŭ»;
Śviatłana Rohač: Kateržyna Tučkova. Žytkaŭskija bahini (pierakład z češskaj). — Vilnia: «Łohvinaŭ»;
Śviatłana Rohač: Iržy Haičak. Rybina kroŭ (pierakład z češskaj). — Vilnia: «Łohvinaŭ».
U žanry «proza» pieramoh Anatol Ivaščanka. U naminacyi «paezija» ŭsie pretendenty atrymali zaachvočvalnaje 2-je miesca. U «pierakładzie» pieramahła Śviatłana Rohač.
Kamientary