Сёння, 23 cакавіка, у музеі Максіма Багдановіча ў Траецкім прадмесці прайшла цырымонія ўручэння літаратурнай прэміі «Дэбют».
«Наша Ніва» вяла відэатрансляцыю анлайн. Зараз жа вы зможаце паглядзець поўную версію цырымоніі ўручэння.
«Дэбют» — штогадовая літаратурная прэмія, уручаецца за найлепшую дэбютную папяровую ці электронную кнігу, напісаную на беларускай мове або перакладзеную на яе. Уручаецца аўтару або перакладчыку, які меў узрост да 35 гадоў на момант выдання кнігі.
Прэмія заснаваная ў 2010 г. Беларускім ПЭН-цэнтрам, Саюзам беларускіх пісьменнікаў і фондам «Вяртанне» (Мінск).
Сёлета на перамогу прэтэндавалі наступныя кнігі:
Проза
Анатоль Івашчанка. «Анаталогія» — Мінск: «Кнігазбор»;
Кацярына Мядзведзева «Разламашкі майстра Люфта» — Мінск: ІП А.М. Янушкевіч, электроннае выданне;
Кірыл Стаселька. «Дзіцячы маніфест». — Мінск: «Галіяфы»;
Паэзія
Мікіта Найдзёнаў. «Развітанцы». — Мінск: «Кнігазбор»;
Алесь Плотка. Байсан. — Мінск: «Кнігазбор»;
Ангела Эспіноза Руіз. Раяль ля мора. — Вільня: «Логвінаў»;
Пераклад
Лізавета Касмач: Ірэна Брэжна. Найлепшы з усіх светаў (пераклад з нямецкай). — Вільня: «Логвінаў»;
Святлана Рогач: Катэржына Тучкова. Жыткаўскія багіні (пераклад з чэшскай). — Вільня: «Логвінаў»;
Святлана Рогач: Іржы Гаічак. Рыбіна кроў (пераклад з чэшскай). — Вільня: «Логвінаў».
У жанры «проза» перамог Анатоль Івашчанка. У намінацыі «паэзія» ўсе прэтэндэнты атрымалі заахвочвальнае 2-е месца. У «перакладзе» перамагла Святлана Рогач.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары