Davydźka: «Talerantnaść i demakratyčnyja kaštoŭnaści źjaŭlajucca niebiaśpiečnymi dla cyvilizacyi»
Redaktary dziaržaŭnych ŚMI praciahvajuć trymacca mietadyčak, zhodna ź jakimi Jeŭropa hinie, i vinoj hetamu — demakratyja i svaboda, što viadzie da biezuładździa.
Terakty ŭ Bruseli stali temaj abmierkavańnia čarhovaha «Kłuba redaktaraŭ» na BT.
Jany padavali teraryzm, u tym liku isłamski, nie jak hłabalnuju prablemu, ź jakoj davodzicca sutykacca ŭsim krainam, a jak jeŭrapiejskuju prablemu.
«Viedajem, dryžym ad strachu, ale ničoha zrabić nie možam… Žach na jeŭrapiejskich trusoŭ, jaki akazvaje IDzIŁ», — zadaŭ ton razmovie kiraŭnik Biełdziaržteleradyjokampanii Hienadź Davydźka.
Pra terakty ŭ Minsku 2011 i 2008 hoda, šmatlikija terakty ŭ Rasii ŭ 2000-ch udzielniki nie ŭzhadvali.
«U pieršuju čarhu treba vinavacić nie śpiecsłužby. Niama žadańnia ŭ [jeŭrapiejskich] uładaŭ navieści paradak z tymi prablemami. … Talerantnaść vyhladaje jak złačynnaja chałatnaść, z-za jakoj hibnuć dziasiatki ludziej», — pravioŭ tuju samuju dumku kiraŭnik teleradyjokampanii «Mir» Uładzimir Piarcoŭ.
«Z vašych słoŭ vynikaje, što talerantnaść i demakratyčnyja kaštoŭnaści źjaŭlajucca niebiaśpiečnymi dla cyvilizacyi», — praciahnuŭ Hienadź Davydźka.
«Tam šaryjat, tam zabojstvy. A nie lezuć jany tudy [u musulmanskija kvartały], bo ŭ ich jość vybary», — nahniataŭ Piarcoŭ.
«Skora budziem kožny tydzień havaryć pra terakty, — strašyŭ redaktar «Sovietskoj Biełoruśsii» Pavieł Jakubovič. — Jeŭrapiejskaje nasielnictva robicca častkaj hieta [siarod musulmanskich kvartałaŭ], — zajaviŭ Jakubovič. — Jany [ułady Jeŭropy] pastavili siabie i jeŭrapiejskuju cyvilizacyju na miažu padziej, pra jakija navat dumać nie chočacca».
Pradstaŭnik Partyi BNF Ryhor Kastusioŭ u hetuju havorku nie ŭmiešvaŭsia, zmaŭčaŭ.
«Tolki žorstkaje pakarańnie moža navieści paradak», — padsumavaŭ Davydźka.
Varta adznačyć, što bolšaść krain Jeŭrapiejskaha Sajuza — Polšča, Litva, Łatvija, Estonija, Finlandyja, Šviecyja, Danija, Słavienija, Čechija, Słavaččyna, Niderłandy i h.d. nie viedali vialikich teraktaŭ za svaju najnoŭšuju historyju, u adroźnieńnie ad Biełarusi i Rasii. U Biełarusi apošnija terakty adbylisia ŭ 2005, 2008 i 2011 hadach.
-
«Ździełka zhareła». Aŭtar knihi «Aŭtarytaryzm pad pahrozaj» pieraličyŭ padstavy dla aptymizmu nakont budučyni Biełarusi
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
-
Biełaruski internet pad botami: jak ich raspaznavać i što ź imi robiać
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary