Što mieŭ na ŭvazie Alaksandr Łukašenka ŭ słovach pra «ŭra-patryjotaŭ»?
22 červienia, padsumoŭvajučy vystupy ŭ pieršy dzień «Usiebiełaruskaha narodnaha schodu», Alaksandr Łukašenka zrabiŭ zaŭvahu ŭ svaim karonnym styli — tak, kab kožny moh interpretavać jaje pa-svojmu.
«Ja aktualizuju hetuju temu ŭ suviazi z tym, što ŭ nas u hramadstvie ci to ŭ apazicyi, ci to jašče dzieści źjavilisia asobnyja dziejačy, u jakich prosta ruki harać padšturchnuć našaje hramadztva da niejkich kataklizmaŭ, supiarečnaściaŭ, a jašče i da vajny. I asabliva kivajuć na Rasiju, — adznačyŭ Alaksandr Łukašenka. — Heta niehatyŭna adbivajecca na asobnych členach našaha hramadstva. I ja jak zvyčajny hramadzianin časam sam sabie dumaju: vy darma heta robicie, u nas nie budzie, jak u niekatorych krainach ura-patryjoty, siedziačy ŭ televizary, tak vajujuć, što ŭvieś śviet by zachapili. Nie daj Boh, niešta zdarycca, my im damo prava ŭ ataku pajści pieršymi. Ja heta śpiecyjalna kažu, kab u niekatorych nie śviarbieli ruki. U nas u krainie nichto ni za kaho nie schavajecca», — padsumavaŭ Alaksandr Łukašenka.
Pra kaho i pra što heta?
Na maju dumku, heta zavualavanaja adsyłka da spravy Eduarda Palčysa i padobnych vypadkaŭ. «Ci to ŭ apazicyi, ci to jašče dzieści» — vyrazny znak, što havorka pra niezaležnaje hramadstva. Prarasijskija ci impierskija asiarodki Łukašenka apazicyjaj nie nazyvaje.
«Padšturchnuć da supiarečnaściaŭ» i «asabliva kivajuć na Rasiju» — heta namiok na toje, što krytyka impierskich ambicyj Rasii baluča ŭsprymajecca jak u Maskvie, tak i prarasijskimi strukturami ŭnutry Biełarusi.
A «ŭ niekatorych krainach ura-patryjoty, siedziačy ŭ televizary, tak vajujuć, što ŭvieś śviet by zachapili» — heta ŭžo zaŭvaha ŭniviersalnaja.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary