Minsk pryniaŭ rašeńnie zamianić korpus reaktara enierhabłoka Biełaruskaj AES, jakaja budujecca «Rasatamam».
Pra heta žurnalistam paviedamiŭ kiraŭnik Minenierha Biełarusi Uładzimir Patupčyk.
«Užo rašeńnie pryniata pra zamienu», — skazaŭ jon, adkazvajučy na adpaviednaje pytańnie žurnalistaŭ.
Kažučy ab košcie zamieny abstalavańnia, ministr adznačyŭ, što heta pradmiet pieramovaŭ z rasiejskim bokam, piša infarmacyjnaje ahienctva BiełTA.
Nahadajem, 25 lipienia biełaruskija ŚMI paviedamili, što 10 lipienia padčas trenirovačnaj probnaj ustanoŭki korpusa reaktara 330-tonny ahrehat sarvaŭsia i ŭpaŭ z vyšyni ad 2 da 4 mietraŭ. Hienpadradčyk budaŭnictva stancyi — rasijskaja hrupa kampanij «ABE» — paśpiašaŭsia abvierhnuć hetu infarmacyju, adnak Minenierha Biełarusi pryznała, što na stancyi mieła miesca «niaštatnaja situacyja». «Niaštatnaja situacyja adbyłasia na placoŭcy zachoŭvańnia korpusa reaktara pry praviadzieńni takiełažnych rabot pa jaho pieramiaščeńni ŭ haryzantalnaj płoskaści», — havaryłasia ŭ paviedamleńni Minenierha.
Incydent atrymaŭ šyroki hramadski rezanans u Biełarusi i za miažoj.
Kamientary