Kab pierakładać Źmitra Daškieviča ź biełaruskaj na ruskuju, z urokaŭ źniali i pryvieźli ŭ les dźviuch nastaŭnic
Na 19-hodździe «Maładoha fronta» Źmicier Daškievič i Siarhiej Palčeŭski nakiravalisia ŭ Vietkaŭski rajon, kab kapać akopy na miažy z Rasijaj.
«Rasija ściahvaje svaje vojski na miažu ź Biełaruśsiu, takim simvaličnym krokam my chacieli prademanstravać, što ich tut buduć čakać», — kaža Daškievič. Pa jaho słovach, kapać atrymałasia chvilin 10-15, za hety čas byli vykapanyja dva akopy dla stralby sa stanovišča ležačy.
Paśla hetaha ŭ les da Daškieviča i Palčeŭskaha pryjechali supracoŭniki Śledčaha kamiteta, DAI, milicyi, a taksama inšych orhanaŭ. Usiaho ahułam kala 20 čałaviek.
Źmicier Daškievič zajaviŭ, što nie razumieje ruskaj movy. Jon pracytavaŭ siłavikam vierš Niła Hileviča: «Žre biełaruskija kaŭbasy, pa-biełarusku-ž ni hu-hu, dy za takoje papuasy jaho b puścili na rahu!»
U vyniku da Daškieviča vyklikali adrazu dźviuch nastaŭnic biełaruskaj movy, jakija musili vystupić u jakaści pierakładčyc. «Zładzili niejki cyrk, zryvajuć nastaŭnic z pracy, łamajuć navučalny praces, dziaciej adpuskajuć dachaty, bo nie mohuć niekalki słovaŭ pa-biełarusku». Praŭda, potym u les pryjechaŭ kiraŭnik vietkaŭskaha Śledčaha kamiteta, dyk jon dobra vałodaje biełaruskaj movaj.
Siarhieja Palčeŭskaha advieźli ŭ Vietku dla vyśviatleńnia asoby, bo ŭ jaho nie było z saboj pašparta. A voś u mašynie Źmitra Daškieviča znajšli zbroju dla strajkbołu. Ciapier jaje apisvajuć na ekśpiertyzu.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary