12 krain ES ćviorda padtrymali Damovu pra transatłantyčnaje partniorstva
Ministry 12 krain Jeŭrasajuza padpisali list jeŭrakamisaru pa pytańniach handlu Siesilii Malstram u padtrymku Damovy pra transatłantyčnaje handlovaje i inviestycyjnaje partniorstva (TTIP).
Brusel i Vašynhton stavili zadaču padpisańnia TTIP da skančeńnia paŭnamoctvaŭ Baraka Abamy ŭ studzieni 2017-ha. Adnak Damova natyknułasia na krytyku jak u ZŠA, tak i ŭ Jeŭropie.
Da pierapynieńnia pieramoŭ zaklikała Francyja, jakaja baicca za svaju sielskuju haspadarku, što moža nie vytrymać kankurencyi z boku amierykanskich fiermieraŭ.
Niepakojacca i ekołahi: amierykanskija normy ŭ śfiery jakaści praduktaŭ mienš strohija za jeŭrapiejskija.
Suprać damovy vystupajuć taksama prarasijskija ultrapravyja i ultralevyja siły, jakija bačać u novym pahadnieńni zaruku ŭmacavańnia suviaziaŭ ES i ZŠA.
U vyniku ministr ekanomiki Niamieččyny Zihmar Habryel zajaviŭ, što pieramovy pa TTIP «faktyčna pravalilisia». U toj ža čas kanclerka Niamieččyny Anhieła Mierkiel TTIP padtrymała.
Siarod 12 padpisantaŭ lista ministraŭ jość pradstaŭniki Brytanii, Italii i Ispanii, paviedamlaje ahienctva Rojterz.
Raniej Jeŭrasajuz užo ŭchvaliŭ anałahičnaje pahadnieńnie z Kanadaj. Jano nazyvajecca Comprehensive Economic and Trade Agreement (CETA). Padpisańnie jaho maje adbycca ŭ Bruseli 27 kastryčnika, paśla čaho jaho majuć ratyfikavać parłamienty krain ES.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary