U Łatvii niepadalok ad miažy ź Biełaruśsiu ŭ voziera hrymnuŭsia dron
Palicyja zaklikaje žycharoŭ nie nabližacca da miesca incydentu i paviedamlać pra lubyja znojdzienyja abłomki.
Prykładna a 8:00 ranicy palicyja atrymała paviedamleńnie ad žycharoŭ pra padzieńnie bieśpiłotnaha latalnaha aparata ŭ voziera Drydzis u Kambulskaj vołaści Krasłaŭskaha kraju, pry kantakcie z vadoj jon detanavaŭ. Paciarpiełych u incydencie niama, piša Delfi.lv sa spasyłkaj na LETA.
Palicyja nieadkładna vyjechała na miesca i pačała abśledavańnie terytoryi. Byli znojdzieny mahčymyja abłomki bieśpiłotnika.
Da rabot pryciahnuty dadatkovyja siły, uklučajučy supracoŭnikaŭ Dziaržaŭnaj pažarna-vyratavalnaj słužby z łodkaj i padraździaleńni Nacyjanalnych uzbrojenych sił, a taksama dadatkovyja palicejskija drony.
Palicyja zaklikaje žycharoŭ nie nabližacca da miesca incydentu i paviedamlać pra lubyja znojdzienyja abłomki.
Žychary uschodniaj Łatvii — Łathalii i Vidzeme — atrymlivali papiaredžańni sistemy apaviaščeńnia, źviazanyja z nabližeńniem abo ŭvachodam u pavietranuju prastoru Łatvii dronaŭ, vierahodna źviazanych z vajnoj Rasii i Ukrainy.
U šerahu vypadkaŭ takija bieśpiłotniki taksama vybuchali na terytoryi Łatvii, u tym liku incydent 7 maja na mała zadziejničanaj naftabazie ŭ Rezekne.
Dahetul u padobnych incydentach nichto nie paciarpieŭ, adnak apošni vypadak u Rezekne spačatku pryvioŭ da adstaŭki ministra abarony, a zatym i ŭsiaho ŭrada na čale z Evikaj Siliniaj.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary