Hramadstva1010

Pamior hienierał Uładzimir Jahoraŭ

4 kastryčnika pamior hienierał-pałkoŭnik Uładzimir Jahoraŭ, značny dziaržaŭny dziejač pieryjadu adnaŭleńnia niezaležnaści Biełarusi. Było jamu 76 hadoŭ.

Jon byŭ kiraŭnikom Kamiteta dziaržaŭnaj biaśpieki Biełarusi (1994—1995) i ministram unutranych spraŭ (1990—1994).

Jon naradziŭsia ŭ siamji kavala ŭ vioscy Rečyca Čerykaŭskaha rajona Mahiloŭskaj vobłaści. Paśla kamsamolskaj karjery skončyŭ savieckuju Najvyšejšuju škołu KDB. Ale nakiravali jaho pracavać u milicyju. Z pasady ministra ŭnutranych spraŭ Savieckaj Łatvii i z zadańnia ŭ Afhanistanie jon viarnuŭsia ŭ Minsk u 1990-m.

Byŭ sapraŭdnym patryjotam. Lubiŭ śpiavać biełaruskija pieśni, byŭ dobrym bajanistam. U chacie da apošniaha ŭ jaho visieła «Pahonia» na ŭsiu ścianu. Jon na piać hadoŭ pieražyŭ svaju žonku — rektara Univiersiteta kultury Jadvihu Hryharovič.

Paznajomilisia jany ź joj niečakana.

«Kali ja pracavaŭ sakratarom CK kamsamoła, da mianie pastupiła sprava niejkaj Jadvihi Hryharovič, — raspaviadaŭ jon u intervju «Kamsamołcy». — Niechta ź jaje adnakurśnic emihravaŭ u Izrail, u toj čas heta ličyłasia zdradaj, a budučaja žonka vykazałasia z hetaj nahody nie tak. Uvohule, mnie daručyli jaje vyklikać i pahavaryć. Pryjšła, pryhožaja takaja, maładaja, my pahutaryli i rasstalisia. Nieŭzabavie ja pryjechaŭ u Maskvu, patelefanavaŭ joj i pryznačyŭ sustreču».

Jany byli paraj z taho pakaleńnia i tych ideałaŭ, jakija ŭ pobycie ŭ stałyja hady viarnulisia da biełaruskaj movy svajho dziacinstva.

«Doma my razmaŭlali pa-biełarusku. Ty viedaješ, za ŭsie hady siamiejnaha žyćcia ja nie pamiataju, kab my kaliści maŭčali», — raspaviadaŭ jon.

Raźvitańnie z hienierałam Jahoravym adbudziecca siońnia ŭ Kłubie imia Dziaržynskaha.

Redakcyja «Našaj Nivy» dałučajecca da spačuvańniaŭ siamji i siabram hienierała.

Kamientary10

Ciapier čytajuć

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta6

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Usie naviny →
Usie naviny

Łojka: Kałaŭr moh spračacca i advakatavać takija rečy, pra jakija nichto inšy zaiknucca nie moh7

Raspaviadajem, što za novuju zbroju ŭžyli ŭ Sierbii dla razhonu pratestaŭ. Jana ŭžo jość u Rasii7

Teletranślacyja sa stadyjona ŭ Minsku, jaki ŭ 2021 hodzie adkryvaŭ Łukašenka, «niebiaśpiečnaja dla zdaroŭja apierataraŭ»1

Vienhryja pahadziłasia praciahnuć sankcyi suprać Rasii paśla zvanka Rubia3

Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia3

Mahiloŭski kanduktar zabaŭlaje pasažyraŭ pieśniami VIDEA1

Abielskaja: Vyklik bryhady chutkaj dapamohi doraha kaštuje35

Jak achoŭvajuć Pucina — novaje rasśledavańnie6

Pavieł Łatuška stvaraje svoj fond. Što heta za arhanizacyja?27

bolš čytanych navin
bolš łajkanych navin

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta6

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Hałoŭnaje
Usie naviny →

Zaŭvaha:

 

 

 

 

Zakryć Paviedamić