Niamiecki ekśpiert: Minsk moža stać «uschodniejeŭrapiejskaj Ženievaj»
Minsk moža stać «uschodniejeŭrapiejskaj Ženievaj abo Vienaj», placoŭkaj dla pieramoŭ miž Zachadam i Rasijaj. Takoje mierkavańnie vykazaŭ kiraŭnik biełaruskaha ofisa Fonda Konrada Adenaŭera Volfhanh Zender, vystupajučy ŭ dyskusii «Uschodniaja Jeŭropa: vykliki i mahčymaści» na adkryćci VI Kanhresu daśledčykaŭ Biełarusi.
Forum adbyŭsia ŭ Koŭnie (Litva) 7—9 kastryčnika.
Na dumku Zendera, Minsk staŭ viadomy ŭ śviecie paśla taho jak staŭ miescam pieramoŭ pa Danbasie, u jakich uziali ŭdzieł Anhieła Mierkiel, Fransua Aland i Uładzimir Pucin.
Biełaruś, miarkuje Zender, i nadalej budzie ciesna źviazanaj z Rasijaj u siłu histaryčnych i ekanamičnych suviaziaŭ.
Palapšeńnie adnosin Biełarusi i Jeŭrasajuza nie skiravanaje suprać Rasii, adznačyŭ Zender.
U toj ža čas rola Minska jak miesca kantaktaŭ moža dapamahčy krainie ŭ vyznačeńni svajoj budučyni. «Biełarusi važna nie stać iznoŭ achviaraj miž vialikimi dziaržavami», — skazaŭ niamiecki ekśpiert.
Fond Konrada Adenaŭera, siarod inšaha, zajmajecca analizam zamiežnaj palityki i situacyi ŭ śviecie dla Chryścijanska-demakratyčnaha sajuza, da jakoha naležyć i kanclerka Mierkiel.
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary