Čechija rychtujecca da mahčymaj vajny ŭ Jeŭropie ŭ vypadku napadu Rasii
Čechija płanuje rychtavać armiju da «praciahłaha kanfliktu vysokaj intensiŭnaści z technałahična raźvitym praciŭnikam».
Čechija rychtujecca da mahčymaha bujnoha vajennaha kanfliktu ŭ Jeŭropie i nazyvaje Rasiju hałoŭnaj pahrozaj svajoj biaśpiecy. Pra heta havorycca ŭ prajekcie stratehii Ministerstva abarony «Doŭhaterminovaja pierśpiektyva abarony da 2045 hoda», ź jakim aznajomiłasia hazieta iRozhlas. Dakumient užo ŭchvaliła Rada dziaržaŭnaj biaśpieki, vosieńniu jaho pavinien razhledzieć urad, piša Bild.
U stratehii havorycca, što ciapier raście vierahodnaść «składanych kryzisaŭ biaśpieki, uklučajučy napad na dziaržavy NATA i ES biez papiaredžańnia». U Prazie taksama čakajuć, što adkaznaść za zvyčajnuju abaronu Jeŭropy ŭsio bolš budzie pierachodzić ad ZŠA da jeŭrapiejskich sajuźnikaŭ.
Čechija płanuje rychtavać armiju da «praciahłaha kanfliktu vysokaj intensiŭnaści z technałahična raźvitym praciŭnikam». Da 2030 hoda pavinna źjavicca novaja sistema padrychtoŭki nasielnictva da kryzisaŭ, da 2032 hoda — ułasnyja dadatkovyja mahčymaści kaśmičnaj raźviedki, a da 2038 hoda — novaje ŭzbrajeńnie i technika. Taksama kraina zakuplaje 24 źniščalniki F-35 i madernizuje dźvie bryhady.
U mirny čas vajennaja słužba pavinna zastavacca dobraachvotnaj, adnak dakumient dapuskaje bolš šyrokaje pryciahnieńnie hramadzian u vypadku nieabchodnaści. Pavodle źviestak žurnalistaŭ, havorka moža iści, naprykład, pra ludziej z techničnymi, miedycynskimi abo IT-navykami, jakich zmohuć chutka padrychtavać dla patreb abarony.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
Nu heta jak na pažary pačynać kapać kałodziež. Heta ŭsio pavinna było być zroblena ŭžo 5 hadoŭ tamu, kali nie raniej. A jany ŭsio na 30-ja bazavuju padrychtoŭku da abarony adkładvajuć. Dahulajucca da ŭłasnaj Bučy pad Prahaju.