Pucin pryznaŭsia Uitkafu i Kušnieru, što jamu kamfortna ź imi pracavać
Prezident Rasii Uładzimir Pucin padčas sustrečy 5 vieraśnia sa śpiecyjalnymi pradstaŭnikami prezidenta ZŠA Styvam Uitkafam i Džaredam Kušnieram zajaviŭ, što Rasija atrymała ad Ukrainy praz aficyjnyja kanały — śpiecsłužby i Ministerstva zamiežnych spraŭ — prapanovu časova spynić udary na pieryjad vizitu amierykanskaj delehacyi, piša vydańnie The Moscow Times.
Pavodle słoŭ Pucina, paśla hetaha jon zahadaŭ rasijskim vajskoŭcam spynić ataki na Kijeŭ. Prezident Rasii śćviardžaje, što z poŭnačy 5 vieraśnia ŭdary pa ŭkrainskaj stalicy nie nanosilisia. Jon taksama zajaviŭ, što Ukraina, u svaju čarhu, istotna źniziła intensiŭnaść atak pa rasijskich rehijonach, u tym liku pa Maskvie.
Pucin paabiacaŭ zrabić usio nieabchodnaje dla biaśpieki amierykanskich pradstaŭnikoŭ i pieramoŭnaha pracesu. Jon padziakavaŭ prezidentu ZŠA Donaldu Trampu za sproby spynić vajnu i paprasiŭ Uitkafa i Kušniera pieradać jamu najlepšyja pažadańni i słovy padziaki.
Rasijski prezident taksama zajaviŭ, što Maskvie kamfortna pracavać z amierykanskimi pieramoŭščykami i što ŭzrovień davieru da ich z boku Rasii vysoki. Jon padkreśliŭ, što jakaść pasiarednictva i davier da ludziej, jakija zajmajucca pieramovami, majuć vialikaje značeńnie.
Razam z tym Pucin adznačyŭ, što Rasija nie zaklučała z Ukrainaj damoŭlenaści pra bolš šyrokaje trochdzionnaje pieramirje. Pavodle jaho słoŭ, ukrainskija ŭłady publična zaklikali da trochdzionnaha spynieńnia ahniu, ale niepasrednaj damoŭlenaści pamiž bakami pra heta nie było.
Prezident Rasii skazaŭ heta paśla taho, jak Uitkaf vykazaŭ jamu padziaku akurat za heta trochdzionnaje pieramirje.
Uitkaf i Kušnier prybyli ŭ Maskvu 5 vieraśnia dla pieramoŭ ab mahčymym mirnym urehulavańni vajny va Ukrainie. Paśla sustreč u Rasii jany pavinny adpravicca ŭ Kijeŭ. Napiaredadni Donald Tramp zajaviŭ, što jaho śpiecyjalnyja pradstaŭniki pryviazuć prapanovu ab spynieńni vajny.
Pry hetym čakańni rasijskaha kiraŭnictva ad vizitu amierykanskich pieramoŭščykaŭ, pavodle infarmacyi ahienctva Bloomberg, zastajucca vielmi nizkimi.
Vizitu Uitkafa i Kušniera papiaredničali ŭzajemnyja zakliki da časovaha spynieńnia atak. Uviečary 4 vieraśnia prezident Ukrainy Uładzimir Zialenski prapanavaŭ Maskvie ŭstrymacca ad udaraŭ na čas kansultacyj z amierykanskimi pradstaŭnikami. Adnak u noč na 5 vieraśnia rasijskija vajskoŭcy nanieśli masavany ŭdar pa Ukrainie, u tym liku pa kijeŭskich aeraportach Žulany i Baryspal. Zialenski nazvaŭ hetuju ataku metanakiravanaj i źviazaŭ jaje z padrychtoŭkaj vizitu amierykanskaj delehacyi.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
intieriesno hollivud rasskažiet etu nievierojatnuju istoriju lubvi?)kak nikak ich žie priedstavitiel stieliťsia)