Vybuchovuju pryładu zamacavali na trosie lifta.
Bajevika dzień i noč achoŭvali ŭzbrojenyja ludzi. Tamu razam z Arsieniem Paŭłavym zahinuŭ jaho achoŭnik, paviedamlajuć miascovyja ŚMI.
Pa śviedčańniach vidavočcaŭ, vybuch u piatym padjeździe doma №121 na vulicy Čaluskincaŭ u Daniecku byŭ davoli mocny.
«Mnie vyniesła dźviery ŭ piareharadcy i raźniesła kamoru», — raskazała ŚMI adna z žycharak dzieviacipaviarchovaha doma.
Nahadajem, što viadomy svajoj žorstkaściu kamandzir rasijskich bajevikoŭ Arsień Paŭłaŭ, viadomy pad pazyŭnym Mataroła, byŭ zabity ŭ Daniecku ŭ niadzielu 16 kastryčnika. Pra heta paviedamiła ministerstva abarony samaabvieščanaj Danieckaj narodnaj respubliki. Jak paviedamlajecca, Mataroła zahinuŭ pry vybuchu ŭ lifcie. Tam spracavała samarobnaje vybuchovaje prystasavańnie.
U ministerstvie ŭ zamachu padazrajuć ukrainskuju dyviersijnuju hrupu.
33-hadovy Mataroła staŭ viadomym u 2014 hodzie. Hety rasijski marski piechaciniec udzielničaŭ u zachopie Kryma, niaŭdałaj sprobie zachopu Charkava. Paśla trapiŭ u Słaviansk, uznačaliŭ adzin sa šturmavych atradaŭ, što dziejničali na Danbasie. Jon braŭ udzieł va ŭsich hałoŭnych bajach 2014 i 2015 hadoŭ.
Paŭłaŭ naradziŭsia ŭ rasijskaj aŭtanomii Komi, u 15 hadoŭ zastaŭsia siratoj. Słužyŭ u armii, vajavaŭ u Čačni.
Mataroła mieŭ złuju słavu: isnuje zapis, na jakim jon chvalicca, što zabiŭ 15 pałonnych ukrainskich vajskoŭcaŭ.
Ciapier čytajuć
Babaryka: Kali b my pieramahli — vajny va Ukrainie nie było b5
Babaryka: Kali b my pieramahli — vajny va Ukrainie nie było b
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary