Makiej: U krainie stvarajucca narmalnyja ŭmovy dla bolš šyrokaha vykarystańnia biełaruskaj movy

Apošnim časam biełaruskaja mova vykarystoŭvajecca ŭ dziaržavie ŭsio šyrej. Adnak heta adbyvajecca nie z pryčyny naviazvańnia štučnych umoŭ dla jaje raźvićcia, a naturalnym šlacham.

Pavialičyć

Pra heta kiraŭnik MZS Biełarusi Uładzimir Makiej zajaviŭ u intervju haziecie «Rečpaspalita», stenahrama jakoha apublikavana pres-słužbaj zamiežnapalityčnaha viedamstva.

- Prezident Łukašenka nikoli nie imknuŭsia stvaryć štučnyja ŭmovy dla raźvićcia toj ci inšaj movy. Dziaržaŭnaja palityka zaklučajecca ŭ tym, kab usio heta adbyvałasia naturalna. My razumiejem, što, pačynajučy z raniejšych savieckich časoŭ, pieravažnaja bolšaść nasielnictva Biełarusi razmaŭlała na ruskaj movie. Takaja situacyja zachoŭvajecca i ciapier, — adznačyŭ Makiej.

Pavodle jaho słoŭ, u krainie stvarajucca «niejkija narmalnyja ŭmovy dla bolš šyrokaha vykarystańnia biełaruskaj movy». U suviazi z hetym usio bolš ludziej imknucca i razmaŭlać na biełaruskaj.

— Prezident paru dzion nazad taksama skazaŭ ab tym, što my płanujem pavialičyć i kolkaść hadzin u škołach dla navučańnia biełaruskaj movie, — nahadaŭ kiraŭnik MZS.

Makiej adznačyŭ, što kali b paśla razvału Sajuza było pryniata rašeńnie zrabić dziaržaŭnaj tolki adnu biełaruskuju movu, «my atrymali b, moža navat nie toje ž, a ŭ dziasiatki razoŭ horš situacyju, čym va Ukrainie».

Ministr taksama raspavioŭ, što sam vučyŭsia ŭ viaskovaj škole, dzie vykładańnie viałosia na biełaruskaj movie, tamu biez prablem razmaŭlaje na joj.

— Za apošnija 25 hadoŭ my pačynajem pavolna farmavacca jak nacyja. My znachodzimsia ŭ pracesie farmavańnia identyčnaści biełaruskaj nacyi. I ŭ hetym płanie, viadoma ž, my pavinny kłapacicca pra zachavańnie biełaruskaj movy, ale, nie robiačy heta štučna, nie prymušajučy kahości, jak biełarusy kažuć pad «prymusam», pad naciskam razmaŭlać na biełaruskaj movie, - jašče raz padkreśliŭ Makiej.

Na pytańnie žurnalista, ci možna ŭ suviazi z hetym nazvać Łukašenki «baćkam nacyi», Makiej nahadaŭ, što ŭ narodzie prezidenta nazyvajuć «baćka».

- Napeŭna, jak i ŭ luboha palityka, jak i ŭ luboha čałavieka, mohuć być niejkija i plusy i minusy, jon moža dapuskać niejkija pamyłki. Ale nikoli, paviercie mnie, ja jaho ŭžo viedaju bolš za 16 hadoŭ, pobač praktyčna, pracuju ŭ hetaj kamandzie, nichto nie moža skazać pra toje, što jon niešta zrabiŭ u škodu Biełarusi. Ja viedaju, nakolki jon mocna lubić krainu.

• 0
• 0
• 0
• 0
• 0
• 0
• 0
• 0