Ułady Vjetnama admovilisia ad płana stvareńnia atamnych elektrastancyj praz padzieńnie koštaŭ na naftu i vuhal i źnižeńnie popytu na elektraenierhiju. Pieršuju AES u krainie płanavałasia budavać z udziełam «Rasatama».
Urad Vjetnama vyrašyŭ admovicca ad stvareńnia pieršych atamnych elektrastancyj u krainie, budavać jakija płanavałasia z dapamohaj Rasii i Japonii, paviedamiła ahienctva Kyodo News sa spasyłkaj na aficyjnaha pradstaŭnika enierhietyčnaj kampanii Vietnam Electricity.
Takoje rašeńnie pryniata ŭ tym liku praź źnižeńnie koštu inšych krynic enierhii, patłumačyŭ žurnalistam u sieradu kiraŭnik rady dyrektaraŭ Vietnam Electricity Zyonh Kuanh Tchań. Nafta i vuhal ciapier našmat tańniejšyja, čym u toj čas, kali było pryniata rašeńnie budavać AES, a zapavoleńnie tempaŭ ekanamičnaha rostu pryviało da źnižeńnia popytu na elektraenierhiju, skazaŭ jon. «Jadziernaja enierhietyka zaraz mienš kankurentazdolnaja ŭ paraŭnańni ź inšymi krynicami enierhii, terminovaj nieabchodnaści ŭ joj niama», — skazaŭ jon (cytata pa The Wall Street Journal).
Urad Vjetnama ŭ najbližejšyja dni ŭniasie prapanovu ab admienie prajekta budaŭnictva AES u Nacyjanalny schod, jaki, jak čakajecca, uchvalić jaho da kanca listapada, piša hazieta.
Pradstaŭnik «Rasatama» admoviŭsia kamientavać mahčymuju admienu budaŭnictva AES da rašeńnia Nacyjanalnaj asamblei Vjetnama. Rašeńnie pavinna być abvieščana 23 listapada.
Parłamient Vjetnama ŭ 2009 hodzie ratyfikavaŭ płan u halinie budaŭnictva pravincyi Nińtchuan dźviuch atamnych elektrastancyj sumarnaj mahutnaściu 4000 MVt. Da budaŭnictva AES urad Vjetnama vyrašyŭ pryciahnuć «Rasatam» i japonskuju Japan Atomic Power Co.
U 2010 hodzie Maskva i Chanoj padpisali mižuradavaje pahadnieńnie ab supracoŭnictvie ŭ halinie enierhietyki, jakoje praduhledžvała stvareńnie pieršaj u Vjetnamie AES — «Nińtchuan-1». Pahadnieńnie taksama praduhledžvała pradastaŭleńnie Rasijaj dziaržkredytu ŭ pamiery $ 8 młrd dla finansavańnia prajekta.
Rasija i Vjetnam płanavali zaviaršyć pieršuju AES da 2020 hoda. Ale pačatak budaŭnictva nieadnarazova pieranosiŭsia. U pačatku 2015 hoda vjetnamskija ŭłady zajavili, što prajekt adkładzieny pa mienšaj miery da 2019 hoda, u tym liku ź mierkavańniaŭ biaśpieki paśla avaryi na AES «Fukusima» ŭ Japonii.
-
Mera Daŭhaŭpiłsa złavili na machlarstvie z elektryčnaściu. Łukašysty złaradničajuć, zabyŭšysia, što jon «svoj»
-
Biełarus hołym biehaŭ pa Varšavie i spravakavaŭ niekalki DTZ. Pryčyna — narkotyki
-
«Kankurencyja vielmi žorstkaja». Za apošnija hady niekalki kitajskich navukoŭcaŭ, jakija zajmalisia ŠI, pamierli ŭ maładym uzroście
Ciapier čytajuć
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska58
Kamientary