«Śledčym kamitetam rasśledujucca kryminalnyja spravy, raspačatyja pa art.130 Kryminalnaha kodeksa Respubliki Biełaruś.
Padstavaj dla raspačynańnia kryminalnych spraŭ pasłužyli zvaroty, jakija pastupili ź Ministerstva infarmacyi Respubliki Biełaruś ab praviedzienych Respublikanskaj ekśpiertnaj kamisijaj pa acency infarmacyjnaj pradukcyi na pradmiet najaŭnaści (adsutnaści) ŭ joj prykmiet prajavy ekstremizmu ekśpiertyzach ŭ dačynieńni da aŭtaraŭ artykułaŭ, apublikavanych na infarmacyjnych resursach «Riehnum», «Lenta.ru », «JEADEJLI»: Mikałaja Radava, Paŭła Juryncava i Ały Broń.
Pa zaklučeńniach kamisii ŭ dziejańniach nazvanych aŭtaraŭ uhledžvajucca prykmiety złačynstva, praduhledžanaha artykułam 130 Kryminalnaha kodeksa Respubliki Biełaruś (raspalvańnie rasavaj, nacyjanalnaj, relihijnaj albo inšaj sacyjalnaj varožaści).
U vyniku praviedzienych śledčych dziejańniaŭ było vyjaŭlena, što za psieŭdanimam Ała Broń chavajecca Dzimitryj Alimkin, žychar h. Bresta, jaki pracuje vartaŭnikom u adnoj z ustanoŭ adukacyi horada, a za psieŭdanimami Pavieł Juryncaŭ i Mikałaj Radaŭ — Juryj Paŭłaviec, vykładčyk BDUIR.
U chodzie praviedzienych pieratrusaŭ atrymanyja dadzienyja ab dačynieńni nazvanych asob da supraćpraŭnaj dziejnaści i atrymańni imi hrašovych uznaharod za padrychtoŭku zakaznych publikacyj ad hramadzianina Respubliki Biełaruś, jaki pastajanna žyvie ŭ Maskvie.
Śledstva miarkuje, što asnoŭnym matyvam ich supraćpraŭnaj dziejnaści źjaŭlałasia materyjalnaja zacikaŭlenaść.
Padazravanyja zatrymanyja. Da ich prymienienaja miera strymańnia ŭ vyhladzie zaklučeńnia pad vartu», — havorycca ŭ aficyjnaj zajavie Śledčaha kamiteta.
«Hramadzianin Biełarusi, jakija pražyvaje ŭ Maskvie» — heta, najchutčej, šef-redaktar «Rehnuma» Juryj Barančyk.
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary