U noč na 14 žniŭnia i ranicaj hetaha dnia Maskva i Leninhradskaja vobłaść padvierhlisia atakam dronaŭ. U vyniku abstrełaŭ zafiksavanyja paškodžańni i pažar u rajonie adnaho z partoŭ, piša RBK-Ukraina.
Mer Maskvy Siarhiej Sabianin u svaich sacsietkach pisaŭ, što ataka dronaŭ pačałasia jašče ŭ 23:44. Tady, pavodle jaho słoŭ, SPA nibyta źbiła dva bieśpiłotniki, jakija lacieli na stalicu RF.
Užo ranicaj amal a šostaj hadzinie Sabianin napisaŭ, što było źbita jašče 10 dronaŭ. Adnak u hetaj publikacyi nie ŭdakładniałasia, što heta byli bieśpiłotniki, jakija lacieli na Maskvu. Nie vyklučana, što hetyja drony dalacieli da horada.
Taksama ŭnačy pad atakaj apynułasia Leninhradskaja vobłaść. Pavodle paviedamleńniaŭ hubiernatara rehijona Alaksandra Draździenki, ataka pačałasia ŭ 02:53. Da 06:21 ranicy nibyta ŭžo byŭ źbity 51 bieśpiłotnik.
«Zafiksavanyja paškodžańni ŭ rajonie porta Uść-Łuha… U vyniku paškodžańnia zafiksavana ŭzharańnie ŭ porcie», — havaryłasia ŭ publikacyjach.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary