Ź Miensku
Kaliś u Miensku ŭ nas jeździli pa horadzie «batlejki», i mienčuki lubili pasłuchać biełaruski narodny teatryk. U Anhlii takuju adviečnuju starynu ŭsie b padtrymlivali, ale ŭ nas zabaranili saŭsim batlejkam jeździć pa horadzie. Niadaŭna pamior stary miaščanin, jak by starasta batlejščykaŭ, i batlejka, što viałasia ŭ Miensku sotni hadoŭ, zahinuła. Dobra było b, kab naša moładź i vučni iznoŭ zaviali hety narodny teatar.
Mikoła Kamaroŭski
Zubryckaja vołaść, Hrodz. hub., Sakolsk. pav. Kažuć, narod dzičeje; jano-taki i praŭda. Daŭniej, jak staryja ludzi kazali, ubiŭstva pryłučałosia adno na 30 hadoŭ, a sioleta voś u našaj vołaści ŭžo było 4 ubiŭstvy.
H.Voran
Ad Redakcyi
Vypuskajem užo 52-hi numar «Našaj Nivy», a ad pačatku hazety 173-ci. Za ŭvieś hety čas my raśsiejali pa našym kraju kala paŭmiljona hazecin. Biełaruskaje narodnaje pole, dahetul hłuchoje, adazvałasia; nasieńnie nia zhinuła i raście, i z kožnym hodam huścieje naša niva. Redakcyja z spakojnym sumleńniem ustupaje ŭ 1911 h.
«NN», №52, 23 śniežnia 1910
Kamientary