Kanclerka Niamieččyny Anhieła Mierkiel u subotu paabiacała šukać kampramisaŭ z novaabranym prezidentam ZŠA Donaldam Trampam pa pytańniach handlu i vydatkaŭ na vojska.
«U svajoj inaŭhuracyjnaj pramovie jon jasna pakazaŭ svaje pierakanańni», — skazała Mierkiel na nastupny dzień paśla taho jak Tramp paabiacaŭ kiravać zhodna z pryncypam «Amieryka pieradusim».
Mierkiel, jakaja słavicca svajoj strymanaściu, skazała: «Ja dźvie rečy skažu nakont hetaha [pramovy]: pa-pieršaje, ja ćviorda pierakananaja, što dla ŭsich nas najlepš pracavać razam na asnovie praviłaŭ, supolnych kaštoŭnaściej i sumiesnych dziejańniaŭ u mižnarodnaj ekanamičnaj sistemie, mižnarodnaj handlovaj sistemie i ŭnosić uniosak u vajskovyja sajuzy». Jana dadała: «I pa-druhoje, transatłantyčnyja adnosiny ŭ nastupnyja hady buduć nie mienš važnyja, čym u minułyja. I ja nad hetym budu pracavać. Navat kali pohlady roźniacca, kampramisy i rašeńni lahčej znachodzić, kali adbyvajecca pavažlivy abmien idejami».
Na hetym tydni Niamieččyna abvieściła, što daviadzie vydatki na abaronu da 2% — ličby, jakoj patrabuje administracyja Trampa.
Inšaje važnaje pytańnie dla Hiermanii — svaboda handlu. U svaju čarhu, administracyja Trampa choča razarvać damovy ab svabodnym handli jak z krainami Paŭnočnaj Amieryki, tak i Cichaakijanskaha basiejna.
U cełym pohlady Trampa bližejšyja nie da Mierkiel, a da jaje ultrapravych praciŭnikaŭ kštałtu Fraŭkie ci Lo Pen.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci2
Kamientary