Centr haradskoha žyćcia #uCentry i art-halereja «Kryha» zaprašajuć haradziencaŭ na ŭnikalnuju vystavu.
Što jość koler? Jak vykarystańnie koleraŭ farmuje i ŭpłyvaje na našu identyčnaść? Čamu my, biełarusy, upadabali adnyja i praktyčna nie źviartajem uvahi na inšyja kolery? Jak vyhladaje palitra našaha biełaruskaha asiarodździa? Čyje kałarystyčnyja trendy my pieraniali i jak pieraasensavali? Heta jość pytańni, adkazy na jakija nam daje biełaruski mastak i dyzajnier Michał Aniempadystaŭ.
— Ja daśleduju historyju i rolu koleraŭ u biełaruskaj kulturnaj tradycyi ci, kali być dakładnym, u tych kulturnych tradycyjach, jakija ŭtvarali asnovu dla paŭstańnia biełaruskaj kultury i źjaŭlajucca jaje nieadjemnymi častkami, - kaža Michał Aniempadystaŭ pra toje, jak uźnikła ideja vystavy «Koler Biełarusi».
U Hrodnie na vystavie možna pabačyć abjekty, jakija źjaŭlajucca nośbitami ŭlubionych koleraŭ biełaruskaj kulturnaj tradycyi. Nośbity hetyja roznyja. Niekatoryja ź ich archietypičnyja, a razam z tym, nastolki zvyčajnyja, što my pierastali źviartać na ich uvahu. Inšyja zabylisia, zacierlisia, zafarbavalisia paźniejšymi kulturnymi napłastavańniami i čakajuć na sistemnaje, ruplivaje adnaŭleńnie. Trecija majuć patrebu ŭ dadatkovym pajaśnieńni kanteksta, siemantyki i sensaŭ.
Uračystaje adkryćcio vystavy adbudziecca 2 traŭnia a 18.30 u supolnaj vystavačnaj prastory Centru haradskoha žyćcia i art-halerei «Kryha» pa adrasie: Hrodna, vuł. Savieckaja, 3
Vystava «Koler Biełarusi» ładzicca Latučym univiersitetam i hramadskaj kulturnickaj kampanijaj «Budźma biełarusami!» ŭ miežach Mižnarodnaha prajekta pa raźvićci kulturnaj spadčyny CHOICE.
Ciapier čytajuć
Łukašenka zajaviŭ pra hatoŭnaść pryjechać u Kijeŭ11
Kamientary