ZŠA zaklikali Ukrainu źviarnucca da ES nakont skasavańnia sankcyj suprać biełaruskaha kaliju
Złučanyja Štaty Amieryki padšturchoŭvajuć Ukrainu skasavać abmiežavańni na impart kalijnych uhnajeńniaŭ ź Biełarusi i zaklikali hetuju krainu paŭpłyvać na jeŭrapiejskich sajuźnikaŭ, kab jany zrabili toje ž samaje, paviedamlaje Bloomberg.
Vašynhton arhumientavaŭ svaju prośbu tym, što skasavańnie sankcyj na impart klučavoha pažyŭnaha rečyva dla hleby moža dapamahčy Biełarusi dystancyjavacca ad Rasii i adčynić dźviery dla palapšeńnia adnosin ź Minskam.
ZŠA i Jeŭrapiejski sajuz uviali šyrokamaštabnyja sankcyi suprać Biełarusi paśla taho, jak Minsk pačaŭ žorstkija represii suprać pratestoŭcaŭ paśla prezidenckich vybaraŭ 2020 hoda.
Abmiežavańni ŭzmacnili paśla taho, jak ułady Biełarusi padtrymali ahresiju Rasii 24 lutaha 2022 hoda, dazvoliŭšy vykarystańnie biełaruskaj vajskovaj infrastruktury i pavietranaj prastory dla ŭvarvańnia rasijskaj armii i abstrełaŭ mirnych haradoŭ Ukrainy.
U śniežni 2025 hoda ZŠA źmiakčyli sankcyi suprać troch biełaruskich kalijnych kampanij paśla vyzvaleńnia Minskam 250 palitviaźniaŭ u miežach damoŭlenaściaŭ z ZŠA. Jeŭrapiejskija sankcyi dziejničajuć da lutaha 2027 hoda i mohuć być praciahnuty, nahadvaje Radyjo Svaboda.
Kamientary